^{دادگای ئینقلابی شاری ئیلام، ڕۆژنامەنووسێکی خەڵکی ئەو شارەی بە یەکساڵ زیندانی تەعزیری مەحکووم کرد.}

^{بەپێی هەواڵی هەواڵدەریی کوردپا، "نەجەف مێهدی‌پوور" خاوەن ئیمتیاز و بەرێوەبەری دوو حەوتوونامەی هەڵپسێردراوی "باختر زمین"، بە یەکساڵ زیندانی تەعزیری مەحکووم کرا.}

^{ئەو ڕۆژنامەنووسە کوردە، ڕۆژی سێشەممە ١٣ی خەرمانان، بانگهێشتی دادگای ئینقلابی شاری ئیلام کرا و حوکمەکەی پێ ڕاگەیەندرا.}

^{دادگای ئینقلابی شاری ئیلام، ئەو ڕۆژنامەنووسە کوردەی، بە تۆمەتی "پڕوپاگەندە دژی نیزام و بێڕێزیکردن بە ڕێبەری حکوومەت" بە یەکساڵ زیندانی تەعزیری مەحکووم کرد و ئەو ڕۆژنامەنووسە دەتوانێ لە دادگای پێداچوونەوەی شاری ئیلام لە هەمبەڕ ئەو بڕیارە ناڕەزایەتی دەرببڕێ.}

^{دوو حەوتوونامەی "باختر زمین" بە هۆی بڵاوکردنەوەی گوتار و بابەتی ڕەخنەئامێز لە بەرپرسانی حکوومەتی ئێران، لە پەیوەندیی لەگەڵ بارودۆخی مافی مرۆڤ و سیاسەتەکانی دەرەوەی ئێران ڕاگیراوە.}

^{نەجەف مێهدپوور، کارناسی باڵای زانستی سیاسی و بەربژێری دەیەمین خولی مەجلیس بووە، کە شیاویەتی ناوبراو بە هۆی "نەبوونی باوەڕ و پێبەند نەبوون بە ئیسلام و نیزامی کۆماری ئیسلامیی ئێران" لە لایەن شۆرای نیگابانەوە ڕەت کرایەوە.}

7/9/2018