^{تۆپخانەکانی سپای پاسداران جارێکی دیکە خاکی هەرێمی کوردستانی عێراق، کردە ئامانجی خۆی.}

^{بەپێی هەواڵی هەواڵدەریی کوردپا، ئەمڕۆ پێنجشەممە ١٥ی خەرمانان، تۆپخانەکانی سپای پاسداران جارێکی دیکە خاکی هەرێمی کوردستانی تۆپباران کرد و زیان و زەرەرێکی زۆری بە ژینگەی هەرێمی کوردستانی گەیاندووە.}

^{هەواڵنێری کوردپا لە ڕاپۆرتێکدا، ڕایگەیاند: تۆپخانەکانی سپای پاسداران ناوچەکانی سیدەکان و چۆمانی بە خەستی تۆپباران کردوە و دەیان هێکتار لە لەوەڕگەی ئەو ناوچانە لە ئاگر دا سووتاون.}

^{فەرماندیی هێزی پێشمەرگەی کوردستان سەر بە حدکا بە بڵاوکردنەوەی بەیاننامەیەک ڕایگەیاند: "تۆپخانەکانی سپای پاسداران لەو تۆپباران کردنەدا بنکە و بارەگاکانی ئەو حیزبە کراوتە ئامانج".}

^{هەر لەو پەیوەندییەدا، ڕۆژی ٢٦ی پووشپەڕ، تۆپخانەکانی سپای پاسداران، ناوچەی "گوندە ژوور"ی سەر بە شاری چۆمان و ناوچەی "بەربەزین"، لە سیدەکانیان تۆپباران کرد و خەسارێکی زۆری بە ژینگەی ئەو ناوچانە گەیانشدووە.}

^{لە ئاکامی تۆپبارانکردنی خاکی هەرێمی کوردستان، دوو پێشمەرگەی کوردستان بە ناوەکانی "ڕەحیم ڕۆستەم داستان، خەڵکی شاری مەهاباد و "ئیدریس دەروێشی"، خەڵکی شاری پیرانشار گیانیان لە دەست داوە.}

7/9/2018