^{دوو کۆمپانیای فڕۆکەوانیی "بریتیش ئەیرویز"ی بەریتانی و کۆمپانیای "KLM"ی هۆڵەندی ئاشکرایان کردووە کە گەشتەکانی خۆیان بۆ ئێران ڕاگرتووە.}

^{ئەمڕۆ پێنجشەممە 2018/8/23 بەرپرسانی کۆمپانیای "بریتیش ئەیرویز" لە وەڵامی تۆڕی میدیایی (BBC)یدا لەبارەی ڕاگرتی گەشتەکانی بۆ ئێران گوتی: "بەو پێیەی چالاکیمان لە ڕێگای نێوان لەندەن بۆ تاران ئێستا هیچ پاساوێکی ئابووریی نییە، بەڵام گەشتەکانمان ڕاگرتووە" و ئەو کۆمپانیایە سەرەڕای داوای لێبوردن لەو گەشتیار و موسافیرانەی کە بلیتی تاران لەندەنیان گرتووە دەڵێت بۆ گواستنەوەی ئەو گەشتانە لەگەڵ کۆمپانیاکانی دیکە لە گفتوگۆ دان.}

^{هاوکات کۆمپانیای پاشایەتیی (KLM)ی هۆڵەندی لە ئەکاونتی خۆی لە تۆڕی کۆمەڵایەتیی (تویتەر) نووسیویە: "لە ڕێکەوتی 24ی سیپتەمبەرەوە گەشتەکانی ئەو کۆمپانیایە بۆ تاران ڕادەگیرێن و هۆکارەکەشی بۆ پرسی ئابووری گەڕاندووەتەوە و داوای لەو کەسانە کردووە کە کە بۆ ئەو ڕێکەوتە بلیتیان بڕیوە، بە بێ بەرانبەر گەشتەکەیان بۆ کۆمپانیایەکی دیکە دەگوازرێتەوە، یان دەتوانن داوای پارەکەیان بکەنەوە".}

^{پاش چڕتربوونەوەی گەمارۆکانی ئەمریکا بۆ سەر ئێران، یەک لەو کەرتانەی کە زەرەمەند بووە، کەرتی فڕۆکەوانی بووە و هەتا ئێستا چەندین کۆمپانیای گەورەی فڕۆکەوانی و گەشتیاری چالاکییەکانیان لە ئێران ڕاگرتووە.}

25/8/2018