^{بەپێی زانیاریی میدیاکانی ئێران، نزیکەی 500 گوندی سەر بە پارێزگای کرماشان، لەلایەن ناوەند و دامەزراوە ئەمنییەکانی ئێرانەوە لە دانیشتوانی چۆڵ کراوە و بە بیانووی ئەمنی ڕێگە نادەن هاووڵاتیان بگەرێنەوە گوندەکانیان.}

^{بەپێی ڕاپۆرتێک کە ماڵپەڕی (تەسنیم) ی سەر بە سوپای پاسداران بڵاوی کردووەتەوە، نزیکەی 500 گوند لە دەوروبەری شار و شارۆچکەکانی کرماشان لەلایەن حکوومەتەوە بە بیانووی جۆراوجۆری ئەمنی و بەهۆی کاریگەریی شەڕی ئێران و عێراق لە هاووڵاتیان کورد چۆڵ کراون و ئەو گوندانە کە زیاتر لە ١٠ هەتا ١٥ کیلۆمەتریی سنوورەکانن، ڕێگە نادرێ هاووڵاتیان دووبارە ئاوەدانیان بکەنەوە.}

^{لە ماوەی شەڕی هەشت ساڵەی ئێران و عێراقدا، کرماشان یەکێک لەو پارێزگایانەی ڕۆژهەڵاتی کوردستان بووە کە خەسارێکی زۆری مادی و گیانی و سروشتی لێ کەوتووەتەوە و زیاتر لە 12 هەزار هاووڵاتیی کورد لەو پاریزگایە بوونەتە قوربانی و شاری سەرپێڵ‌زەهاو گوندەکانی دەوروبەریشی لەلایەن حکوومەتی ڕووخاوی بەعسەوە داگیر کرا.}

^{بەو بۆنەوە بەشێک لە شارە سنوورییەکان و بەتایبەت گوندەکان بوونەتە وێرانە و کەلاوە و پاش سێ دەیە لە کۆتایی شەڕ، بەڵام هێشتا هەنگاوێکی جیدی بۆ ئاوەدانەکردنەوەیان هەڵنەگیراوە.}

٢٢/٨/٢٠١٨