^{تۆڕی کۆمەڵایەتی فەیسبووک و تویتێر سەدان پەیجی ئێران و ڕووسیەیان بە هۆی کاریگەری لەسەر هەڵبژاردنی ئامریکا سڕیوەتەوە.}

^{دوای بڵاوبوونەوەی ڕاپۆرتی شیرکەتی ئەمنییەتیی "فایر ئای" لەسەر پڕۆپاگاندای لایەنگرانی ڕێژیمی کۆماری ئیسلامیی ئێران لەسەر تۆڕە کۆمەڵایەتییەکان ، فەیسبووک و تویتێر ئەمڕۆ ڕایانگەیاندووە، سەدان پەیجی ئێرانی و ڕووسیە، کە کاریگەریان لەسەر هەڵبژاردنی ئامریکادا هەبووە، ڕەش کراونەتەوە.}

^{فەیس بووک ٦٥٢ پەیج و گرووپی تەبلیغاتی کە بە دژی ئیسرائیل، عەرەبستان و پاڵپشتی لە ڕێککەوتننامەی ناوکی ڕێژیمی ئێران چالاکیان کردووە، داخستووە. هەروەها تویتێریش ڕایگەیاندووە، ٢٨٤ حساب کاربری کە کردەوەی ئاژاوەگیڕانەیان هەبووە و سەرچاوەی زۆرینەیان لە ئێران بووه، داخستووە.}

^{"ماڕک زاکربێرگ" بەڕێوەبەری گشتیی فەیسبووک لەو پەیوەندییەدا، باسی لەوە کردووە، کۆمپانیای فەیسبووک هاوکات لەگەڵ هاوکاری و گواستنەوەی زانیاری لەگەڵ دەوڵەتەکان، کەرەستەی تایبەتی دەبێت بۆ بەرەنگاربوونەوە لەگەڵ پەیجە گوماناوییەکان.}

^{سپای پاسدارانی ڕێژیمی ئێران لە ئاستی جیهاندا بە گرووپی جیاواز لە دنیای مەجازی و لەسەر تۆڕە کۆمەڵایەتییەکان چالاکیی سایبری لە ڕاستای ئاژاوەنانەوە، پڕۆپاگاندا بۆ تێرۆر دەکەن و هەتا ئێستا زۆر کەس لە پێوەندی لەگەڵ سپای پاسداران و هەک کردن دەسبەسەر کراون.}

^{ڕێژیمی ئیران لە ڕێگەی سپای پاسداران چەندین گرووپی تێرۆریستیی سایبریان پێک هێناوە بۆ دزینی زانیارییەکان بە تایبەت بۆ بەرنامەی مووشەکی و ناوکی لە ئاستی جیهاندا.}

22/8/2018