^{جاوید ڕەحمان پتر لە مانگێکە جێنشینی ئاسمە جەهانگیرە کە ئەو خانمە ڕیبەندانی پارەکە کۆچی دوایی کرد.}

^{جاوید ڕەحمان، ڕێپۆرتێری تایبەتی ڕێکخراوی نەتەوە یەکگرتووەکان بۆ بابەتەکانی مافەکانی مرۆڤ لە ئێران کە بە ئەم زووانە ئەو بەرپرسایەتییەی پێدراوە، خوازیاری سەردان بۆ ئێرانە.}

^{ناوبراو لە لێدوانێکی بە نووسراوە لە رۆژی هەینی ١٩ی گەلاوێژ بڵاوبۆوە ڕایگەیاند کە هاوکات لە گەڵ دەست بە کارکردنی خۆی، بە پێێ داخوازێکی بە نووسراوە داوای لە کاربەدەستانی کۆماری ئیسلامی کردوە کە "بۆ وەدەست هێنانی تێگەیشتن باشتر لە دۆخی مافەکانی مرۆڤ لە ئێران"، بتوانیت سەردانی ئەو وڵاتە بکات.}

^{ئەو داخوازییەی جاوید ڕەحمان لە دەمێکدا ڕوویدەدات کە کۆماری ئیسلامی ئێران ڕیگای سەردانبە ڕێپۆرتەرەکانی پێشووی ئەو ڕێکخراوە سەبارەت بە مافەکانی مرۆڤ لە ئێران دانەدرا و بە گشتی داخوازی ئەوان بۆ هاوکاری کردنیان وەلانرا.}

^{بەڕیز ڕەحمان دوای هەڵبژاردنی بۆ ئەو بەرپرسایەتیە هیواداربوو کە کەشی وتووێژ لە گەڵ کاربەدەستانی کۆماری ئیسلامی بکرێتەوە.}

^{ڕێپۆرتێرەکانی تایبەتی یو ئێن لە ئەم سالانەی دواییدا بەردەوام جەختیان لە سەر پێشێلکرانی مافەکانی مرۆڤ لە ئێران دا کردۆتەوە. بە گوێرەی ئەم ڕاپۆرتانە، ئاماری زۆری لە سێدارەدانەکان، پێشێلکرانی ئازادی بەیان و سەرکوتی رۆژنامەوانان و چالاکانی مەدەنی، پێشێلی مافەکانی بەندکراوانی خاوەن بیری ئاینی و سیاسی، پێشێلی مافەکانی کەمایەتیییەکانی ئاینی و نەتەوەیی و پێشێلی مافەکانی ژنان، بەردەوام لە ئەو بوارانەدا لە ئێراندا پێشێلکراون.}

^{کاربەدەستانی کۆماری ئیسلامی سەبارەت بە دیاریکردنی ڕێپۆرتێری تایبەتی بۆ دۆخی مافەکانی مرۆڤ لە ئێراندا بە توندی ڕەخنەیان گرتووە و لە گەڵ رێپۆرتێرەکانی تایبەتی یو ئێن هاوکاری ناکەن.}

12/8/2018