(2).jpeg)
.jpg)
كۆنگرێسی ئه‌مریكا ھۆشداری به وڵاتانی ئه‌وروپا ده‌دات و داوایان لێ ده‌كات ته‌واوی په‌یوه‌ندییه‌كانی خۆیان له‌گه‌ڵ ئێران بپچڕێنن، له ده‌ره‌وه‌ی ئه‌م داواكاریه‌ش ده‌یه‌وێت له چه‌ند مانگی داھاتوودا گه‌مارۆی قورس بخاته سه‌ر ئه‌وروپا.
به گوێره‌ی سایتی "فری به‌یكن" نوێنه‌رانی كۆنگرێسی ئه‌مریكا داوا له وڵاتانی ئه‌وروپا ده‌كه‌ن په‌یوه‌ندیه‌كانیان له‌گه‌ڵ ئێران كۆتایی پێ بھێنن، به‌ڵام ئه‌گه‌ر گوێ به‌م خواسته‌ی ئه‌مریكا نه‌ده‌ن، ئه‌وا رووبه‌ڕووی گه‌مارۆی قورس ده‌بنه‌وه.
به‌یكن ئاماژه‌ی به‌وه‌ش كردووه، ژماره‌یه‌كی زۆری ئه‌ندامانی كۆنگرێسی ئه‌مریكا و دۆناڵد ترامپ له ھه‌وڵی ئه‌وه‌دان ھاوبه‌شه ئه‌وروپاییه‌كانیان بۆ بچڕاندنی په‌یوه‌ندی دارایی له‌گه‌ڵ ئێران بخه‌نه ژێر فشاره‌وه.
ئه‌مه له كاتێكدایه كه له دوای چوونه ده‌ره‌وه‌ی ئه‌مریكا له رێككه‌وتننامه‌ی ئه‌تۆمی، ھێشتا وڵاتانی ئه‌ندام له رێككه‌وتنه‌كه به‌رده‌وامن.
10/8/2018
