^{ژینگەدۆستێکی کوردی خەڵکی یەکێک لە گوندەکانی ناوچەی مەرگەوەڕ، سەر بە شاری ورمێ،٣٠٠ کەوی لە سروشت ئازاد کرد.}

^{بەپێی هەواڵی هەواڵدەریی کوردپا، زیاد مەلائەحمەدی، ژینگەدۆستی کوردی خەڵکی گوندی "دزە"ی ناوچەی مەرگەوەڕی ورمێ، بە ئازادکردنی ٣٠٠ کەو، ژیانێکی نوێ بەخشییە سروشت و جوانیی کوردستان.}

^{ئەو ژینگەدۆستە کوردە دەڵێت: بە هۆی نەمانی کەو لەو ناوچەیە، بە هاوکاریی شۆرا و دێهیاری گوندی دزەی مەرگەوەڕ، بە کڕینی ٣٠٠ هێلکەکەو و بارهێنانیان لە ڕێگەی دەزگاوە و پاشان بە ئازادکردنی کەوەکان جوانیان بە سروشت بەخشی.}

^{ئەو ژینگەدۆستە کوردە هەروەها داوا لە هاووڵاتییان دەکات، کە چیدی هاووڵاتییان ڕاو نەکەن، هەتا سروشت بە زیندوویی و جوانی بمێنێتەوە.}

^{لە ماوەی چەند ساڵی ڕابردوودا، هاووڵاتییانی کورد، لە چەندین ڕێگەی جۆراوجۆرەوە هۆگری و خۆشەویستیی خۆیان بۆ سروشت نیشان داوە و لەو پەیوەندییەدا، دەیان جۆر چالاکیی ژینگەپارێزیی وەکوو شکاندنی چەکی ڕاو، نەمامچاندن، کۆکردنەوەی زبڵ و خاوینکردنەوەی سەیرانگەکانیان بەڕێوە بردووە.}

^{ئەو ڕەوتە ژینگەپارێزییە کە لە کوردستاندا درێژەی هەیە و بەگشتی بە شێوەی خۆڕسک و بەبێ پشتیوانیی ناوەندە حکوومەتییەکان ئەنجام دراوە.}

6/8/2018