(2).jpeg)
فه‌رمانده‌ی گشتی سوپای پاسدارانی ئێران ڕاده‌گه‌یه‌نێت گه‌لی ئێران هه‌رگیز ڕێگه به به‌رپرسانی خۆیان ناده‌ن كه له‌گه‌ڵ ئه‌مریكا كۆببنه‌وه و دانوستان بكه‌ن.
محه‌مه‌د عه‌لی جه‌عفه‌ری فه‌رمانده‌ی گشتی سوپای پاسدارانی ئێران له ڕاگه‌یه‌نراوێكدا ڕایگه‌یاندووه كه گه‌لی ئێران گه‌لی كۆریای باكوور نییه كه وه‌ڵامی كۆبوونه‌وه‌ی له‌گه‌ڵ تره‌مپ بداته‌وه و گه‌لی ئێران هه‌رگێز ڕێگه ناده‌ن به‌رپرسانی ئێرانی له‌گه‌ڵ ئه‌مریكا ( شه‌یتانی گه‌وره) كۆببنه‌وه و دانوستان بكه‌ن.
جه‌عفه‌ری به تره‌مپ ده‌ڵێت: ئه‌و ئاواته ده‌به‌یته ژێر گڵ كه به‌رپرسانی ئێرانی داوای كۆبوونه‌وه له‌گه‌ڵ تۆ بكه‌ن و له‌گه‌ڵ تۆ دانیشن.
سه‌باره‌ت به هه‌ڕه‌شه‌كانی ئه‌مریكا له ئێران، فه‌رمانده‌ی سوپای پاسداران ده‌ڵێت: سه‌رۆكه پێشووه‌كانی ئه‌مریكا زۆر باشتر له تۆ تێگه‌یشتبوون و فێر ببوون كه ناكرێت هه‌ڕه‌شه له ئێران و ئێرانییه‌كان بكه‌ن چونكه ئێرانییه‌كان له‌به‌رامبه‌ر هه‌ڕه‌شه‌ی بیانییه‌كاندا زۆر یه‌كگرتووتر ده‌بن.
جه‌عفه‌ری داوا له تره‌مپ ده‌كات هه‌ر له كۆشكه ڕه‌شه‌كه‌ی ( كۆشكی سپی) دانیشێت و به خه‌یاڵی گفتوگۆكردن له‌گه‌ڵ ئێران سه‌ربنێته‌وه و قه‌ت ئه‌و ئاواته‌ی نایه‌ته دی كه ئێران و ئه‌مریكا پێكه‌وه دانوستان بكه‌ن.
2/8/2018
