^{محەمەدبار نەوبەخت، جێگری حەسەن ڕۆحانی و گوتەبێژی دەوڵەت، دەست لەکار کێشانەوەی خۆی پێشکەشی سەرکۆمار کردووە، بەڵام داواکەی پەسەند نەکراوە.}

^{بەپێی زانیاریی میدیاکانی ئێران ئەمڕۆ چوارشەممە 2018/7/25 نەوبەخت لە پرێس کۆنفرانسێکی ڕۆژنامەوانیدا گوتی: "ئامادەم هەرچی زوتر لە پێکهاتەی دەوڵەت بکشێمەوە" بەڵام نەمتوانی سەرکۆمار بەو قەناعەتە بگەیەنم کە داواکارییەکەم قەبووڵ بکات".}

^{محەمەد باقر نەوبەخت جیالەوەی جێگری سەرکۆمار و گوتەبێژی دەوڵەتی حەسە ڕۆحانی سەرکۆماری ئێرانە، هاوکات سکرتێری حزبی "میانەڕەو و گەشە" و سەرۆکی ڕێکخراوی پلان و بوودجە و یەکێک لە کەسە نزیکەکانی ڕۆحانییە، بەڵام لە ماوەی چەند هەفتەی رابردوودا و هاوکات لەگەڵ قووڵبوونەوەی قەیرانە ئابووری و داراییەکانی ئێران، لەلایەن کارناسانی ئابوورییەوە چەندین داخوازی بۆ لابردنی نەوبەخت لەو پۆستە خرابووە بەرباس.}

^{چەند ڕۆژ لەمەبەریش سەرۆکی بانکی ناوەندیی ئێران دەستی لەکار کێشایەوە، بەڵام لە میدیا فەرمییەکانی ئێران بە ڕوونی باسی ئەو دەست لەکار کێشانەوانە ناکەن.}

^{دوای سەرهەڵدانەوەی گرژی و ئاڵۆزی و خۆپیشاندانەکانی ئێران کە بەهۆی بێکاری و نەبوونی خزمەتگوزاری و خراپیی دۆخی ئابووریی ئەو وڵاتە دەستیان پێکردووەرەوە، دەنگۆی گۆڕنکاری لە تیمی ئابووریی دەوڵەتی حەسەن ڕۆحانی زیاتر بووە}

27/7/2018