^{مامۆستایەکی کوردی خەڵکی شاری سەردەشت، بۆ تێپەڕاندنی ماوەی حوکمەکەی ڕەوانە زیندانی ناوەندیی شاری مەهاباد کرا.}

^{بەپێی هەواڵی ئاژانسی هەوڵدەریی کوردپا، لە چەند ڕۆژی ڕابردوودا، یەکێک لە مامۆستایانی قوتابخانەکانی شاری سەردەشت، بە ناوی "بەختیار عارفی"، کە بە تۆمەتی "ئەندامبوون لە جەماعەتی دەعوت و ئیسڵاح"، بە ١٨ مانگ زیندانی تەعزیری مەحکووم کرابوو، ڕەوانەی زیندانی شاری مەهاباد کرا.}

^{ئەو مامۆستا کوردە، لە مانگی ڕەشەمەی ساڵی ٩٥ی لە لایەن دادگای ئینقلابەوە بە سێ ساڵ زیندانی مەحکووم کرابوو، دواتر لە دادگای پ ێداچوونەوەی شاری ورمێ، حوکمەکەی بۆ ١٨ مانگ کەم کرایەوە.}

^{ناوبراو لە ڕێکەوتی ٥ی ڕەشەمەی ساڵی ٩٣، پاش ١ مانگ زیندانبوون، بە دانانی بارمتە هەتا کاتی دادگاییکردنەکەی بە شێوەی کاتی ئازاد کرابوو.}

^{ماڵپەڕی فەرمیی "جەماعەتی دەعوەت و ئیسڵاح"، لەو بارەوە ڕایگەیاندووە: بەختیار عارفی کە باوکی دوو منداڵی ٦ و ١٢ ساڵەیە، ڕۆژی سێشەممە ٢ی گەلاوێژ بۆ تێپەڕاندنی ماوەی حوکمەکەی ڕەوانەی زیندانی ناوەندیی شاری مەهاباد کراوە.}

27/7/2018