^{وەزیری دەرەوەی روسیا سێرگەی لاڤرۆڤ لەگەڵ سەرۆک وەزیری ئیسڕائیل بنیامین ناتانیاهو}

^{بەرپرسێکی ئیسڕائیل وتی وڵاتەکەی پێشنیارێکی ڕوسیای ڕەت کردۆتەوە کە تیایدا پێشنیاری ئەوە کراوە هێزەکانی ئێران 100 کیلۆمەتر دووربن لە هێڵی ئاگربەستەوە لە بەرزاییەکانی گۆلان.}

^{بەرپرسەکە وتی بابەتەکە لەمیانەی کۆبوونەوەی نێوان سەرۆک وەزیری ئیسڕائیل بنیامین ناتانیاهو و شاندێکی ڕوسی بە ڕابەرایەتی وەزیری دەرەوەی ڕوسیا سێرگەی لاڤرۆڤ لە ئۆرشەلیم باسکراوە.}

^{ڕوونی کردەوە ناتانیاهو بە لاڤرۆڤی وتووە " ئێمە ڕێگە نادەین بە ئێرانییەکان بمێننەوە ئەگەر 100 کیلۆمەتریش دووربن لە سنوورەوە."}

^{جێی ئاماژەیە ناتانیاهو لە ماوەی ڕابردوودا بەڵێنیدا بوو بەرپەرچی هەر هەوڵێکی ئێران بداتەوە بۆ مانەوەی هەمیشەیی لە سوریادا.}

^{لە ماوەی چەند مانگی ڕابردوودا ئیسڕائیل هێرشە ئاسمانییەکانی بۆ سەر شوێنە سەربازییەکانی ئێران لە سوریادا چڕتر کردۆتەوە و دەڵێت بوونی ئێران لە سوریادا هەڕەشەیە بۆ سەر ئیسڕائیل.}

23/7/2018