^{سێناتۆرێکی کۆماریخوازی ئامریکا، گەڵاڵەیەکی لەسەر گەمارۆی بەرپرسانی ڕێژیمی ئێران لە پێوەندی لەگەڵ بارمتەگرتن، بە سێنای ئامریکا داوە.}

^{سناتۆری کۆماریخواز " تام کاتن" گەڵاڵەی یاسای بارمتەگرتنی ڕێژیمی ئێرانـ"ـی پێشکەش بە سێنای ئامریکا کردووە، لەو گەڵاڵەیەدا، بەرپرسانی ڕێژیمی ئێران و بنەماڵەکانیان گەمارۆ دەخرێتە سەریان و خزمەکانیان ناتوانن بە هیچ شێوەیەک بۆ وڵاتی ئامریکا سەفەر بکەن.}

^{سناتۆر کاتن، لە ڕاگەیەندراوێکدا لەسەر گەڵاڵەکە وتوویەتی: هەر کەسێک ئامریکاییەک بە بارمتە بگرێت، ناتوانێت بێت بۆ ئامریکا و کەڵک لە ئازادیی ئەم وڵاتە وەربگرێت و تا ئەو کاتەی کە ڕێژیمی کۆماری ئیسلامیی ئێران، مافی بنەڕەتی ئامریکایییەکان نەپارێزێت، خۆیان و خزمەکانیان لە ئامریکا وەرناگیردرێن.}

^{لەو گەڵاڵەیەدا هەڵوێستی کۆنگرەی ئامریکا بەو شێوەیە دەبێت:}

^{دوڵەتی ئامریکا، بۆ پێشگرتن لە بارمتەگرتنی هاووڵاتییانی ئامریکایی بە دەستی ڕێژیمی ئێران، دەبێ لە هەموو کردەوە و کەرەستەیەک کەڵک وەربگرێت و ڕابگەیەندرێت کە ئامریکا بۆ بارمتەکان باج نادات.}

^{گەمارۆی ویزا و دارایی لەسەر بەرپرسانی ڕێژیمی ئێران کە دەستیان هەیە لە ئازاردان، کەڵكئاژۆ وەرگرتن، دەرکردن، موحاکمە و زندانیکردنی هاووڵاتییانی ئامریکایی، ڕابگەیەندرێت.}

^{سەرۆکی ویلایەتە یەکگرتووەکانی ئامریکا ئەوەندەی دەسەڵات هەبێت، کە هاتنی بنەماڵەی بەرپرسانی ڕێژیمی ئێران قەدەغە بکات و ویزاکانیان لێ وەربگرێت.}

^{گەمارۆوەکان پاش ٣٠ ڕۆژ بە دوای ئەوەی کە هاووڵاتییانی ئامریکایی لە بارمتەی ڕێژیمی ئێران نەمێنن، هەڵوەشێتەوە.}

^{ڕێژیمی ئێران لە کاتی هاتنە سەرکاریەوە هەتا ئێستە، بە شێوەی سیستماتیک، لەگەڵ دژبەرانی خۆی بە شێوەی نامرۆڤانە هەڵسوکەوت دەکات و تێرۆر و بارمتەگرتن و ئەشکەنجە بەشێکە لە پێکهاتەی ئەو ڕێژیمە.}

21/7/2018