^{پارێزەری کچانی شیناوێ، دەڵێت: بە هۆی سووتانی قامکی یەکێک لەو کچانە، حکوومەت بۆ ڕەوانەکردنیان بۆ دەرەوەی وڵات، کارتی میللییان پێ نادات.}

^{حوسێن ئەحمەدی‌نیاز، پارێزەری کچانی شیناوێ و هەروەها پارێزەری پلەی یەکی دادگا رایگەیاند: دەوڵەت بەرپرسە لە دابینکردنی حقووقی ئەم قوتابییانە و ئەمەش لە کاتێکدایە، کە هەتا ئەمڕۆ هەر شتێکیان بەوان داوە، منەت و سووکایەتیەکی زۆری لەگەڵدا بووە.}

^{ئەو پارێزەرە ناسراوە کوردە هەروەها دەڵێت: بە هۆی ئەوەی کە کچانی شیناوێ، بۆ وەرگرتنی کارت میللی شوێنپەنجەیان نییە، لەگەڵ کێشەی زۆر بەرەوڕوون.}

^{حوسێن ئەحمەدی‌نیاز، هەروەها ئاماژەی بە بەڵێنی وەزیری بێهداشت کرد و وتی: ناوبراو بەڵێنی دابوو کە هەموو ئامادەکارییەک بۆ ڕەوانەکردنی ئەو کچانە بکات، تەنانەت ئەگەر بوودجەی دەوڵەت بەشی نەکرد، ئامادەیە خۆی ئەو بوودجەیە دابین بکات.}

^{ڕۆژی ١٥ی سەرماوەزی ساڵی ٩١ی هەتاوی، ٣٧ قوتابی کچ بە هۆی ئاگرگرتنی یەکێک لە پۆلەکانی خوێندن لە قوتابخانەی شیناوێ، تووشی سووتانی لەڕادەبەدەر بوون و دوو قوتابیش بە ناوەکانی "سەیران یەگانە و "سارینا ڕەسووڵزادە" بەو هۆیەوە گیانیان لە دەست دا.}

^{بە وتەی حوسێن ئەحمەدی‌نیاز: "لە ماوەی ئەو ٦ ساڵەدا، هەتا ئێستا زیاتر لە ٣٦٠ نەشتەرگەری بۆ ئەو کچانە کراوە، دەبێت دەوڵەت قەرەبووی ئەو خەسارەتە گیانییەی زیانلێکەوتووان بکاتەوە.}

٢١/٧/٢٠١٨