^{لە دوو ناوچەی سنوریی پارێزگای کرماشانی رۆژھەڵاتی کوردستان، شەڕ لە نێوان سوپای پاسداران و پێشمەرگەکانی حزبی دیموکراتی کوردستانی ئێران (حدکا) دروستبووە و ھەردوو لا ئاماژە بە قوربانییەکانی یەکتر دەکەن.}

^{فەرماندەیی ھێزی پێشمەرگەی کوردستان-حدکا لە ڕاگەیەنراوێکی بڵاوکردەوە و تیایدا دەڵێت: ھێزێکی سوپای پاسداران لە ناوچەی بناری شاھۆی سەر بە شاری پاوەی پارێزگای کرماشان بڵاوەیان پێکرا، ھێزێکی چەکداریی سەر بە حدکا ھێرشی کردۆتە سەر ئەو ھێزەی سوپای پاسداران و لە ئەنجامدا ٢ ئەندامی سوپای پاسداران کوژراون، یەکێک لە کوژراوەکانیش ناوی دارا وەیسییە، کە خەڵکی ئەو ناوچەیە و ئەندامی کوردی سوپای پاسداران بووە، دوای شەڕەکەش سوپای پاسداران ناوچەکەی تۆپباران کردووە.
ھاوکات سوپای پاسدارانی ئێران ڕاگەیەنراوێکی بڵاوکردۆتەوە و تیایدا دەڵێت: ژمارەیەک چەکداری گروپێکی (دژە شۆرشی ئیسلامی) دزەیان کردۆتە نێو سنوری ئێران، دواتر لە لایەن ھێزێکی سەر بە قەرارگەی ڕەمەزانی سوپای پاسداران لە نزیک ناوچەی نۆدشە ڕێگایان لێگیراوە و شەڕ دروستبووە، لە ئەنجامدا ٣ چەکدار و ئەندامێکی سوپای پاسداران کوژراون.}

16/7/2018