^{بەرپرسی ئەنجومەنی خێرخوازی پشتیوانی لەنەخۆشە گورچیلەییەکان لە وتووێژێکدا،وتوویەتی :" لەڕەشەمەی ١٣٩٦ەوە، واتە لە مانگی مارسەوەو دوای چوونەسەرەوەی باسەکان دەربارەی چوونەدەرەوەی ئەمریکا لە بەرجام و زیندوو کردنەوەی گەمارۆکان بۆ سەر ئێران، نرخی دەرمانەکانی تایبەت بە نەخۆشیە دیالیزییەکان و پەیوەندی گورچیلە لە ١٠٠ بۆ ٢٠٠ لەسەد زیادی کردوە. ئەو بۆ نموونە ئاماژەی بە دەرمانەکانی تایبەت بە پەیوەندی گورچیلە داوە کە لە ١٣٠ هەزارتمەنەوە بووە بە ٢٦٠ هەزارتمەن و دواتر ٣٢٠ هەزار تمەن چووە سەر.}

^{داریووش ئارمان هەروەها وتوویەتی ئەو دەرمانانەی لەبیمە و تەئمین نایانگرێتەوە زۆر گران بوو. بە وتەی ئەو :" نەخۆشە دیالیزییەکان لەنەخۆشە تایبەتەکانن کە تەئمین دەیانگرێتەوە، بەڵام ژمارەیەک لەدەرمانەکانیان لەو لیستە دەرمانانەدا نییە کە تەئمین دەیگرێتەوە، کێشەی سەرەکیتر لەوەدایە کە ئەو نەخۆشانەی دەیانهەوێت پەیوەندی گورچیلە بکەن دەبێت بۆ زیندوو هێشتنەوەی ئەو ئەندامەی کە پەیوەند دراوە هەموو ڕۆژیک کۆمەڵێک دەرمانەی جیاواز بەکار بهێنن، بەڵام بەداخەوە لەگەڵ ئەوەی پەیوەندی گورچیلەی ئەنجامدا، لەلیستی نەخۆشە تایبەتەکان دەچێتە دەرەوەو دەبێت خۆی تێچووی دەرمانەکانی بدات.}

^{ئەمریكا بەردەوام جەختی لەسەر ئەوە کردۆتەوە کە گەمارۆکان دەرمان و بەتایبەت دەرمانی نەخۆشە مەترسیدارەکان ناگرێتەوە، بەڵام بەرپرسانی رژیم پێچەوانەی ئەم بابەتە باس دەکەن.}

١٦/٧/٢٠١٨