^{هێزە ئیتلاعاتییەکانی حکوومەتی ئێران دوو هاووڵاتیی کوردی خەڵکی شاری شنۆیان دەسبەسەر کرد.}

^{بەپێی هەواڵی  هەواڵدەریی کوردپا، دوو هاووڵاتیی کورد بە ناوەکانی "شۆڕش قادر سەکینە و دڵشاد جەواهیر" خەڵکی گوندی "تاچیناوێ"ـی شاری شنۆ لە لایەن هێزە ئیتلاعاتییەکانەوە دەسبەسەر کران.}

^{بە وتەی سەرچاوەیەکی ئاگادار، هێزە ئیتلاعاتییەکان لە کاتی دەسبەسەرکردنی ئەو دوو هاووڵاتییە کوردە موبایل و کامپیوتێری ناوبراونیان لەگەڵ خۆیان بردووە.}

^{هەتا کاتی بڵاوبوونەوە ئەم هەواڵە، لە هۆکاری دەسبەسەرکردنی ئەو دوو هاووڵاتییە کوردە، هیچ زانیارییەک لە بەردەستدا نییە.}

^{ڕۆژی شەممە ٩ی پووشپەڕ، "فەرهاد عەبدوڵڵاپوور"، برای هیدایەت عەبدوڵڵاپوور زیندانیی سیاسیی کوردی مەحکووم بە ئێعدام لە زیندانی ناوەندیی شاری ورمێ لە لایەن هێزە ئیتلاعاتییەکانەوە دەسبەسەر کرا.}

2/7/2018