^{پارێزەرانی رۆژهەڵاتی کوردستان کە هێزێکی سەربازی سەر بە حیزبی دیموکراتی کوردستانن رایانگەیاند، لە شاری شنۆ هێرشیان کردووەتە سەر سێ بنکەی سەربازی سوپای پاسداران.}

^{لە راگەیێندراوێکدا پارێزەرانی رۆژهەڵاتی کوردستان رایدەگەیێنێت: "شەوی پێنجشەممە لەسەر هەینی، لە ئەنجامی ئۆپەراسیۆنێکی هاوبەشی پێشمەرگانە و پلان بۆ داڕێژراودا چەند تیمێک لە پاڕێزەرانی رۆژهەڵاتی کوردستان، هێرشیانکردووە چەند بنکەیەکی سوپای پاسدارانی کۆماری ئیسلامیی ئێران لە شاری شنۆ".}

^{بەگوتەی پارێزەرانی رۆژهەڵاتی کوردستان، کاژێر 10ـی شەوی پێنجشەممە لەسەر هەینی بەکاتی ئێران، چەند تیمێکی پارێزەرانی رۆژهەڵاتی کوردستان لە یەک کاتدا و هاوبەش هێرشیانکردە سەرچەند بنکەیەکی سەربازی سوپای پاسداران لە شاری شنۆ بە ناوەکانی شاکرئاباد، تاچیناوێ و زمێ کە تاوەکو ئێستا زانیارییەکی ئەوتۆ لەبارەی زیانە گیانییەکان لە بەردەستدا نییە.}

^{سەرچاوە خۆجێیەکانیش لە شنۆ دەڵێن، لەدوای هێرشەکە چەند شوێنێک ئاگریگرتووە و تاوەکو ئێستا سوپای پاسداران بە فەرمی ئەو هەواڵە پشتڕاست یان رەتنەکردووەتەوە.}

^{دەقی راگەیێندراوەکە}

^{رۆڵەکانی پارێزەری نیشتمان چەند مۆڵگەیەکی رێژیمیان لە شاری شنۆ کردە ئامانج.}

^{خەڵکی بەشەرەفی کوردستان ئاگاداردەکەینەوە بە مەبەستی پارێزاری لە خاکی پیرۆزی کوردستان و وەڵامدانەوە بە هەوڵی میلیتاریزەکردنی کوردستان لە لایەن رێژیمەوە و وەڵامدانەوە بە گوشاری هێزەکانی رێژیم بۆ سەر خەڵکی نیشتمانەکەمان، چەند مۆڵگە و پێگەیەکی نیزامیی رێژیم لە شاری شنۆ لە لایەن رۆڵە شۆڕشگێڕەکانی نیشتمانەوە کرانە ئامانج.}

^{شەوی پێنجشەممە لە سەر هەینی، ریکەوتی ٧ بۆ ٨ی پووشپەڕ لە ئەنجامی عەمەلیاتێکی هاوبەشی پێشمەرگانە و پلان بۆ داڕێژراودا چەند تیمێک لە پاڕێزەرانی رۆژهەڵاتی کوردستان، چەند مۆڵگە و پادگانی سەرەکیی سوپای پاسدارانی رێژیمی کۆماری ئیسلامیی ئێرانیان لە شاری شنۆ دایە بەر هەڵمەتی شۆڕشگێڕانەی خۆیان.}

^{بەپێی بەرنامەی لە پێشدا داڕێژراو کاتژمێر١٠ی شەوی پێنجشەممە لە سەر هەینی بەکاتی ئێران، چەند تیمێکی پارێزەرانی رۆژهەڵاتی کوردستان لە یەک کاتدا و هاوبەش هێرشیان کردە سەرچەند مۆڵەیەکی رێژیم لە شاری شنۆ.}

^{لەم دژکردەوە شۆڕشگێڕانەدا رۆڵەکانی پارێزەرانی وڵات بە ئارپیجی و نارنجۆک هێرشیان کردە سەر پایاکانی شاکر ئاباد، تاچیناوێ و زمێ لە شاری شنۆ کە تا ئێستا زانیارییەکی ئەوتۆ لە خەساری گیانی هێزەکانی رێژیم لە بەردەستدا نییە.}

^{هەر دوای بەڕێوەبردنی ئەرکی شۆڕشگێڕانەی پارێزەرانی رۆژهەڵاتدا هێزە بەکرێگیراوەکانی رێژیم گۆڕستانی سوڵتان مستەفایان بە مەبەستی لەداوخستنی پارێزەرانی نیشتمان ئاگر تێبەرداوە کە بەخۆشییەوە پارێزەرانی رۆژهەڵات شوێنەکەیان بە سەرکەوتوویی بەجێ‌هێشتووە.}

^{سڵاو بۆ رۆلە بەدەستووبردەکانی نیشتمان
سەرکەوتن بۆ خەڵکی کوردستان
پارێزەرانی رۆژهەڵاتی کوردستان
شەوی ٧ لە سەر ٨ی پۆووشپەڕی ١٣٩٧
رۆژهەڵاتی کوردستان}