^{هێزە ئەمنییەتییەکان، ژمارەیەک لە چالاکانی مەدەنی و کرێکاریی خەڵکی شاری سنە کە خوازیاری لەسێدارە نەدانی ڕامین حوسێن‌پەناهین، دەسبەسەر کرد.}

^{بەپێی هەواڵی} هەواڵدەریی کوردپا، شەوی ڕابردوو ٣٠ی جۆزەردان، بە هۆی ئەگەری لەناکاوی لەسێدارەدانی ڕامین حوسێن‌پەناهی، لە لایەن بەرپرسانی زیندانی ناوەندیی شاری سنە، ژمارەیەک لە چالاکانی کرێکاریی و مەدەنی بە مەبەستی پشتیوانیکردن لە ناوبراو، لە بەردەم زیندانی ناوەندیی ئەو شارە کۆ بوونەوە، چەند کەسێک لە چالاکانی مەدەنی و کرێکاریی لە لایەن هێزە ئەمنییەتییەکانی حکوومەتییەوە دەسبەسەر کران.

^{لە ناو چالاکانی دەسبەسەرکراوی کرێکاریی و مەدەنی لە شاری سنەدا، "لوتفوڵلا ئەحمەدی"، "ڕەفیق کەریمی" و "سەید خالید حوسێنی" بەرچاو دەکەوێت.}

^{دەسبەسەرکردنی چالاکانی کرێکاریی و مەدەنیی شاری سنە، لە پشتیوانی لە ئێعدام نەکردنی ڕامین حوسێن‌پەناهی، زیندانیی سیاسیی کورد مەحکووم بە ئێعدام بووە.}

^{دەوترێ، ژمارەی دەسبەسەرکراوەکانی چالاکانی کرێکاریی و مەدەنیی شاری سنە لەوە زیاترن، بەڵام تەنیا ناوی سێ لەو دەسبەسەرکراوانە بۆ ئاژانسی کوردپا ڕوون بووەتەوە.}

^{لە لایەکی دیکەوە و لە هەمان کاتدا، پاش دۆڕاندنی تیمی میللی ئێران لە یاری تۆپیپێ بە تیمی میللیی ئیسپانیا، ژمارەیەک لە هاووڵاتییانی خەڵکی شاری سنە ڕژانە ناو شەقامەکان و دەستیان کرد بە شای و خۆشی.}

^{ئەو هاووڵاتییانە بە دروشمی "نا بۆ لە سێدارەدانی ڕامین حوسێن‌پەناهی" و " ئێمە پشتیوانی ڕامین حوسێن‌پەناهین" پشتیوانییان لە ئێعدام نەکردنی ئەو زیندانییە سیاسییە کوردە دەربڕیوە.}

22/6/2018