^{چالاکێکی کرێکاریی، خەڵکی شاری سنە، بانگهێشتی ناوەندی خەبەریی ئیدارەی ئیتلاعاتی ئەو شارە کرا و لە لایەن مەئموورانی ئیداری ئیتلاعاتەوە لێکۆڵینەوەی لێ کرا.}

^{بەپێی هەواڵی هەواڵدەریی کوردپا، ڕۆژی هەینی ٢٥ی جۆزەردان، خەلیل کەریمی"، کرێکاری بیناسازی و ئەندامی یەکیەتیی ئازادی کرێكاران، بانگهێشتی ناوەندی خەبەریی ئیدارەی ئیتلاعاتی شاری سنە کرا و بۆ ماوەی ٤ کاتژمێر لێپرسینەوەی لێ کرا.}

^{ئەو چالاکە کرێکارییە بە تۆمەتی "بەشداریی لە ڕێوڕەسمی ڕۆژی جیهانیی کرێکار" و "چاوپێکەوتن لەگەڵ "بنەماڵەی ڕامین حوسێن‌پەناهی"، زیندانی سیاسی کورد مەحکووم بە ئێعدام" بانگهێشتی ئەو ناوەندە خەبەرییە کراوە.}

^{لەو پەیوەندییەدا، ڕۆژی یەکشەممە ٢٠ی جۆزەردان، "غەزاڵ ئیسماعیلی"،
"ئارمان ئیسماعیلی" و "خەبات ڕەحیمی"، هاوسەری عوسمان ئیسماعیلی بانگهێشتی ستادی خەبەریی ئیدارەی ئیتلاعاتی شاری سەقز کران.}

^{ئەو سێ هاوووڵاتییە کوردە، بە تۆمەتی "وێنەگرتن لە ڕێوڕەسمی ڕۆژی جیهانیی کرێکار لە شاری سەقز" بانگهێشتی ناوەندی خەبەریی ئیدارەی ئیتلاعاتی ئەو شارە کراون و لەو پەیوەندییەدا، لە لایەن هێزە ئیتلاعاتییەکانەوە لێپرسینەوەیان لێ کراوە.}

^{هاوکات لە هەمان ڕۆژدا، سەید عەلی حوسێنی، چالاکی کرێکاریی، بە تۆمەتی "بەشداریی لە ڕێوڕەسمی ڕۆژی جیهانیی کرێکار، لە ئیدارەی ئیتلاعاتی شاری سەقز لێکۆڵینەوەی لێ کراوە.}

16/6/2018