^{دوو ئەندامی هەنگی سنووریی، لە شەڕ و تێکەڵچوونێکدا، لە شاری سەردەشت کوژران.}

^{بەپێی هەواڵی هەواڵدەریی کوردپا، کاتژمێر ١١ شەوی سێشەممە ١٥ی جۆزەردان، لە ئەنجامی شەڕ و تێکەڵچوونی چەکدارانە لە سنووری شاری سەردەشت دوو کەس لە ئەندامی هێزە ئینتزامییەکانی حکوومەتی ئێران، بە ناوەکانی "ستوان یەکەم یووسف پیرانە و ئیستوار یەکەم مەحبووب قوربانی" کوژران.}

^{ئەو شەڕ و تێکەڵچوونە لە هەنگی سنوورییی شاری سەردەشت لە گرووهانی بێوران، لە لایەن بورجەکی کانی‌سێوەوە دەستی پێ کرد و ڕاگەیەندنە حکوومەتییەکان "حیزبە کوردییەکانی دژبەری حکوومەتی ئێرانیان" بە هۆکاری دەستپێکردنی ئەو شەڕ و تێکەڵچوونە زانیوە.}

^{هەتا ئێستە هیچ کام لە حیزبە کوردییەکانی ئۆپوزسیۆنی حکوومەتی ئێران، بەرپرسایەتی ئەو شەڕ و تێکەڵچوونەیان لە ئەستۆ نەگرتووە.}

^{لە لایەکی دیکە و لە هەمان کاتدا، شەڕ و تێکەڵچوون لە نێوان هێزەکانی سپای پاسداران و کەسانی نەناسرا لە "دەرەتفێ" سەر بە بەخشی پاوە ڕووی داوە و کەسانی نەناسرا تەقەیان لە پایگای هێزەکانی سپای پاسداران کردووە و هەتا کاتی بڵاوبوونەوەی ئەم هەواڵە لە وەردەکارییەکانی ئەو شەڕ و تێکەڵچوونە، هیچ زانیارییەک لە بەردەستدا نییە.}

^{ڕۆژی هەینی ٧ی بانەمەڕ، شەڕ و تێکەڵچوون لە نێوان هێزەکانی سپای پاسداران و کەسانێکی نەناسراو لە شاری نەسوودیش ڕووی دا و لەو شەڕ و تێکەڵچوونەدا، ئەندامێکی خۆجێی سپا بە ناوی "عەلیڕەزا ڕەفیعی" بریندار بووه و سەربازێکیش بە ناوی "کامران قادرپوور" خەڵکی گوندی "بایین دەڕە"ی شاری مەهاباد کوژرا.}

7/6/2018