ئێران به‌رده‌وامه له گرتنه‌وه‌ى ئاوى ئه‌و رووبارانه‌ى له سنوورى وڵاته‌كه‌يه‌وه ده‌ڕژێنه سنوورى هه‌رێمى كوردستان و به‌و هۆيه‌وه له كه‌ركووك بڕيار درا كشتوكاڵ قه‌ده‌غه بكرێت.
شارى كه‌ركووك به رێژه‌ى (%90) پێداويستى ئاوى خواردنه‌وه و كشتووكاڵ پشت به ئاوى زێى بچووك ده‌به‌ستێت، كه له به‌نداوى دوكانه‌وه بۆى دابين ده‌كرێت، له ئێستاشدا به هۆى گرتنه‌وه‌ى ئاوى رووباره‌كه، بڕى ئه‌و ئاوه‌ى ده‌گاته كه‌ركووك كه‌ميكردووه.
به‌و هۆيه‌وه به‌رپرسانى ئيدارى كه‌ركووك بڕيارياندا ئه‌مساڵ چاندنى زه‌وييه كشتوكاڵييه‌كان قه‌ده‌غه بكه‌ن بۆ ئه‌وه‌ى بڕى پێويست ئاوى خواردنه‌وه له رووباره‌كه دابين بكه‌ن.
شاره‌زايانيش هۆشدارى ده‌ده‌ن له روودانى كاره‌ساتێكى مرۆيى و ژينگه‌يى ئه‌گه‌ر بێت و ئێران به‌رده‌وام بێت له گرتنه‌وه‌ى ئاوى رووباره‌كه
5/6/2018
