^{ئیدارەی ئیتلاعاتی شاری ڕوانسەر، چالاکانی مەدەنیی ئەو شارەی خستووتە ژێر گوشارەوە، کە لە چالاکیی لە تۆڕە کۆمەڵایەتییەکان خۆ ببوێرن.}

^{بەپێی هەواڵی گەیشتوو بە ئاژانسی هەواڵدەریی کوردپا، لە ماوەی ڕابردوودا، ئیدارەی ئیتلاعاتی شاری ڕوانسەر گوشاری زۆرتری خستووتە سەر چالاکانی مەدەنیی ئەو شارە و هەڕەشەی لێیان کردووە، کە چیدیکە لە تۆڕە کۆمەڵایەتییەکان چالاکی نەکەن.}

^{یەکێک لە چالاکانی مەدەنیی شاری ڕوانسەر لەو پەیوەندییەدا بە ئاژانسی کوردپای ڕاگەیاند: ئیدارەی ئیتلاعاتی شاری ڕوانسەر بە بانگهێشتی چالاکانی مەدەنیی ئەو شارە، ئەوانی خستووتە ژێر گوشارەوە، کە لە تۆڕە کۆمەڵایەتییەکان چالاکی نەکەن.}

^{ئەو هاووڵاتییە ڕوانسەرییە ڕای گەیاند: ئیدارەی ئیتلاعاتی شاری ڕوانسەر ‌ هەڕەشەی لە چالاکانی مەدەنیی کردەوە، لە ئەگەری لەبەرچاو نەگرتنی هۆشدارەکانی ئەو ئیدارەیە، لەگەڵ سزای قەزایی بەرەوڕوو دەبنەوە.}

^{بە وتەی ئەو چالاکە مەدەنییە، ناوەندە ئیتلاعاتییەکان بۆ کونتڕۆڵکردن و پێکهێنانی کەشوهەوای ئەمنییەتی لە شاری ڕوانسەر لە حاڵی سازکردنی بینایەکن بۆ سپای پاسداران.}

^{ئەو چالاکە مەدەنییە لە کۆتاییدا سەرەڕای باس لە گوشارەکانی ئیدارەی ئیتلاعات بۆ سەر چالاکانی مەدەنیی ئەو شارە و سازکردنی بەربەست بۆ چالاکییان لە تۆڕە کۆمەڵایەتییەکان، نیگەرانی چالاکانی مەدەنیشی لەو پەیوەندییەدا ڕاگەیاند.}

4/6/2018