^{جەنەراڵ كەنەت ماككەنیز فەرماندەی ناوەندی سوپای ئەمریكا، هۆشداریدایە دەسەڵاتەكەی بەشار ئەسەد سەرۆكی سوریا، ئەگەر بێت‌و هێرش بكاتە سەر شەرڤانانی یەكینەكانی پاراستنی گەل یەپەگە.}

^{هۆشدارەكەی جەنەراڵ كەنەت ماككەنیز لەمیانی كۆنگرەیەكی رۆژنامەوانی هات، ئەوەش دوای ئەوەی بەشار ئەسەد هەڕەشەی لەشەرڤانانی یەپەگە كرد، بەوەی هێرش دەكاتە سەریان.}

^{ئەو فەرماندەی ئەمریكا رایگەیاند، كە هەر هێرشێك لەلایەن سوریاوە بۆ سەر هێزەكانی وڵاتەكەی، یان هاوپەیمانەكانی لەوانە یەپەگە، بەزیان بۆ سەر ئەو وڵاتە دەشكێتەوە.}

^{جەنەراڵ كەنەت ماككەنیز راشیگەیاند، كە سیاسەتی هێرش بۆ سەر هێزەكانی ئەمریكاو هاوپەیمانەكانی سیاسەتێكی "هەڵەیە"و نابێت دیمەشق هەنگاوێكی لەو شێوەیە بنێت، چونكە كاردانەوەی واشنتۆنی لێدەكەوێتەوە.}

^{هێزەكانی سوریای دیموكرات لەماوەی سێ ساڵی ڕابردوودا بەشێكی بەرچاو لەخاكی سوریایان لەداعش پاككردەوە، هاوكات بووەنە هێزێكی باوەڕپێكراو بۆ مامەڵەكردن لەگەڵیان لەلایەن ئەمریكاوە، بەڵام بەگوێرەی نوێترین لێدوانی بەشاری ئەسەد-ی سەرۆكی سوریا، داوای كشانەوەی هەسەدە لەناوچە ڕزگاركراوەكانی سوریا لەدەستی داعش دەكات.}

^{بەشار ئەسەد ڕایگەیاند، "سەرەتا بەگفتوگۆ ‌و دانوستان داوای كشانەوەی هەسەدە لەمەنبەج‌و شوێنەكانی دیكەی سوریا دەكەین، گەر گفتوگۆ سەرینەگرت ئەوا بەهێزی سەربازی بابەتەكە یەكلادەكەینەوە گەر ئەمریكاش لەوێ بوونی هەبێت یاخود نا".}

^{سەرۆكی سوریا داوای لەئەمریكاش كرد، لەمەنبەج‌و تەواوی خاكی سوریا بكشێتەوە، وەك لەهەڕەشەكانیدا بۆسەر هەسەدە، ئەسەد نەیشاردەوە كە دەیانەوێت بچنە مەنبەج سەرەڕای بوونی ئەمریكاش لەو ناوچەیە.}

٤/٦/٢٠١٨