^{چارەنووسی کچە هاووڵاتییەکی کورد، خەڵکی شاری کرماشان، دوای زیاتر لە ٥ مانگ لە دەسبەسەرکرانی هێشتا ناڕوونە.}

^{بەپێی هەواڵی گەیشتوو بە ئاژانسی هەواڵدەریی کوردپا، "میترا عەلیزادە"، کچە هاووڵاتییە کورد خەڵکی شاری کرماشان، کە ڕۆژی ٨ی بەفرانبار لە لایەن هێزە ئەمنییەتییەکانی ئەو شارەوە دەسبەسەر کراوە، پاش پێنج مانگ و ٤ ڕۆژ چارەنووسی ناڕوونە.}

^{میترا عەلیزادە، لە کاتی ناڕەزایەتییە خەڵکییەکانی خەڵکی شاری کرماشان، لە لایەن هێزە ئەمنییەتییەکانی حکوومەتییەوە دەسبەسەر کراوە و هەتا کاتی بڵاوبوونەوەی ئەم هەواڵە چارەنووسی بە ناڕوونی ماوەتەوە.}

^{ئەو کچە هاووڵاتییە کوردە لە گۆڕەپانی "ئازادی"ـی شاری کرماشان دەسبەسەر کراوە.}

^{دەوترێ، بەدواداچوونەکانی بنەماڵەی عەلیزادە بۆ ئاگاداربوون لە چارەنووسی کچەکەیان هەتا ئێستا بێ‌ئاکام بووە و هێزە ئەمنییەتییەکان لە دانی هەر جۆرە زانیارییەک خۆدەبوێرن.}

^{لە ڕەوتی ناڕەزایەتییەکانی سەر شەقام لە مانگی بەفرانبار ، لە ئێران و کوردستان سەرەڕای سەرکوتی هاووڵاتییان لە لایەن هێزە حکوومەتییەکانەوە لە مانگی بەفرانباری ساڵی (٩٦) بە سەدان هاووڵاتیی دەسبەسەر کران.}

3/6/2018