^{دادگای ئینقلابی شاری ورمێ حوکمی سێ ساڵ زیندانی بۆ چالاکێکی کورد بڕیەوە.}

^{بەپێی هەواڵی} هەواڵدەریی کوردپا، چەند ڕۆژ پێش، فەروخ عەبدی"، چالاکی تێلگرامی خەڵکی شاری ورمێ، لەلایەن لقی دادگای ئینقلابی ئەو شارەوە بە سێ ساڵ زیندان مەحکووم کرا.

^{فەروخ عەبدی
یەکێک لە نزیکانی فەروخ عەبدی بە ئاژانسی کوردپا ڕاگەیاندووە: "ئەو چالاکە کوردە، کە بەڕێوەبەری کاناڵی تێلگرامی "ئامانج" بووە بە تۆمەتی"پڕوپاگەندە دژی نیزام" بە ساڵێک زیندان و هەروەها بە تۆمەتی "بێڕیزی بە ڕێبەری حکوومەتی ئێران" بە دوو ساڵ زیندان مەحکووم کراوە".}

^{ئەو حوکمە بە شێوەی فەرمی بەو چالاکە تێلگرامییە ڕاگەیەندراوە و ناوبراو لە ئێستادا لە زیندانە.}

^{بەڕێوەبەری کاناڵی تێلگرامی ئامانج، ڕۆژی شەممە ٢١ی ڕێبەندانی ساڵی ڕابردوو(٩٦)، لە لایەن هێزە ئەمنییەتییەکانی حکوومەتی ئێرانەوە، لە شاری قشم دەسبەسەر و ڕەوانە گرتووخانەی ئیتلاعاتی شاری ورمێ کراوە.}

^{کاناڵی تێلگرامی "ئامانج" هەواڵی ناوچە کوردنشینەکانی ئێران ڕووماڵ دەکات و ئامانجی لە ڕووماڵکردنی هەواڵەکان "پاراستن و ناساندنی فەرهەنگ و وێژەی کوردی" ڕاگەیاندووە.}

20/5/2018