به‌ڕێوه‌به‌ری گشتیی ڕێگه‌وبان و شارسازیی كرماشان ڕایگه‌یاند كه سه‌دی ٣٥ی حه‌شیمه‌تی شاره‌كان شوێنی نیشته‌جێبوونیان له‌بار نیه و له په‌راوێزدا ده‌ژین.
مه‌سعود شه‌ریفی، به‌ڕێوه‌به‌ری گشتیی ڕێگه‌وبان و شارسازیی پارێزگای كرماشان ڕایگه‌یاند كه ٤٠٠ هه‌زار كه‌س ته‌نیا له شاری كرماشان له په‌راوێزدا ده‌ژین و شوێنی نیشته‌جێبوونیان له‌بار نیه و نیوه‌ی پێكهاته‌ی شاره‌كانی جوانڕۆ و سه‌حنه كۆن و پێویستی به نۆژه‌نكردنه‌وه هه‌یه. سه‌دی ٣٥ی حه‌شیمه‌تی شاریی ئه‌و پارێزگایه له شوێنی نێشته‌جێبوونی نه‌شیاو و له په‌راوێزی شاره‌كاندا ده‌ژین.
هه‌روه‌ها شه‌ریفی ده‌ڵێ: ١٠٠ هه‌زار یه‌كه‌ی نیشته‌جێبوونی كۆن و پاسیڤ له ناوچه شارییه‌كانی پارێزگای كرماشان پێویستیان به نۆژه‌نكردنه‌وه هه‌یه. ناوبراو گوتی: كرماشان یه‌كێك له‌و پارێزگایانه‌یه كه زۆربه‌ی گه‌ڕه‌كه‌كانی په‌راوێزنشین و به‌شێوه‌ی ناڕه‌سمی نیشته‌جێ بوون. به قسه‌ی كاربه‌ده‌ستانی ده‌وڵه‌تی نزیك به ١٩ میلیۆن كه‌س له حه‌شیمه‌تی ئێران له ناوچه په‌راوێزه‌كان و پێكهاته‌ی كۆنی شارسازیدا ده‌ژین.
حه‌شیمه‌تی په‌راوێزنشین له ماوه‌ی یه‌ك یه‌ده‌ی ڕابردوودا به شێوه‌یه‌كی به‌رچاو له به‌رزبوونه‌وه‌دا بووه. هه‌ندێك له كاربه‌ده‌ستانی ده‌وڵه‌تی سه‌باره‌ت به ئه‌منیه‌تی بوونی مه‌سه‌له‌ی په‌راوێزنشینی وریاكردنه‌وه‌ی دا.
18/5/2018
