^{گۆرانیبێژ و فۆلکلۆربێژێکی ناوچەی لەیلاخ بە ناوی حسێن گەناوی ماڵاوایی لە ژیان کرد.
حوسێن ئەسڵانی ناسراو بە حوسێن گەناوی ، دوای تەمەنێک خزمەت بە فۆلکلۆر و گۆرانی کوردی رٶژی هەێنی ڕێکەوتی ٢١ی بانەمەڕ بە هۆی نەخۆشیەوە ماڵاوایی لە ژیان کرد.
حوسێن گەناوی لە تاقمی ئەو هونەرمەندانە بوو. کە هەم شایی و ئاهەنگ گێڕانی خەڵکی دەڕازاندەوە، هەم بە وتنەوەی گۆرانییە فۆلکلۆریکەکان، بە مانەوەو و زێندوو ڕاگرتنی میلوودی و بەیت و گۆرانییە کۆنەکان خزمەتی کرد.
ئەگەرچی حوسێن گەناوی وەکوو زۆربەی هونەرمەندانی کورد، بەتایبەتی بەرەی فۆلکلۆربێژ، بە بێدەنگی و گیرگرفتی زۆرەوە ژیانیان بەسەر دەبرد.
بەڵام ماوەی چەند ساڵە ئەنجومەنی ئەدەبی و چالاکانی فەرهەنگی و ئەدەبی شاری دێولان بە پێی توانا و ئیمکانی خۆیان هەوڵی داوە ، کەسانێک وەکوو حوسێن گەناوی ، حەبیب ملەیی… هەتا لە ژیاندا ماوەن بەسەر بکا و رێزیان لێ بگرێ.
حوسێن گەناوی خەڵکی ئاوایی گەناوی شاری دێولانە و ماوەیە چەند ساڵە نیشتەجێ ئەو شارە بوو، کە پێش‌نیوەڕۆی رۆژی هەینی بە یەکجاری ماڵاوایی لە ژیان کرد.
گیانی لە ئارامیدا بنوێ.}

11/5/2018