^{له تێکڕای شارەکانی ئێران و کوردستان، بە بەشداریی ژمارەیەکی بەرچاو لە مامۆستای قوتابخانەکان، مانگرتنی گشتی بەڕێوەچوو.}

^{بەپێی هەواڵە بڵاوکراوەکان، ئەمڕۆ پێنجشەممە ٢٠ی بانەمەڕ، مامۆستایانی ناڕازی لە سەرتاسەری ئێراندا بە هاتنە سەر شەقام، خوازیاری پێڕاگەیشتن بە خواستەکانیان بوون.}

^{مامۆستایانی شارەکانی تاران، ساری، کرماشان، قورووە، دیواندەڕە، شیراز، کازروون، ئیسفەهان، مەریوان، تەورێز و خۆڕەمئاوا لەو شارانە بوون کە ناڕەزایەتییان لە هەمبەر خرابی ژیان و گوزەڕانیان دەربڕی.}

^{لە شارەکانی کوردستان، مامۆستایان بە چوونە بەردەم ئیدارەی پەروەدە و بە هەڵگرتنی پلاکارد و نووسراوە، ناڕەزایەتیی خۆیان لە دۆخی خراپی مووچە و ژیانی خۆیان دەبڕی.}

^{ئامانجی فەرهەنگیان ناڕازیی لەو کۆبوونەوە ناڕەزایەتییەدا، بەدوای بانگەوازی "شۆرای هاوئاهەنگی کانوونی سێنفی مامۆستایانی ئێران" بەڕێوەچووه و ناڕەزایەتی مامۆستایان "کەمیی پارە تەرخان کراوەکان بۆ بارهێنان و مووچەی خوار ژێر هێڵی هەژاری" ڕاگەیەندراوە.}

^{لەو کۆبوونەوە ناڕەزایەتییەدا که لە بەردەم بینای پەروەردە و بارهێنانی شارەکانی ئێران و ڕێکخراوی بەرنامە و بوودجە بەڕێوەچوو، مامۆستایان لەگەڵ هەڵسوکەوتی هێزە ئینتزامییەکان بەرەڕوو بوونەوە و لەو پەیوەندییەدا، چەندین مامۆستا دەسبەسەر کراون.}

^{شوناسی مامۆستایانی دەسبەسەر کراوە بەم چەشنە ڕاگەیەندراوە: "محەممەد تەقی فەلاحی،بەڕێوەبەری کانوونی سێنفی شاری تاران، محەممەد حەبیبی، ئیسماعیل گرامی، عەلی زولفی، عەلی پیروز، محەممەد حەسەن‌پوور و ڕەسووڵ بوداقی".}

^{یەکێک لە ئەندامانی هەیئەت مودیرەی کانوونی سێنفیی مامۆستایانی شاری تاران، لە تویتێری شەخسیی خۆیدا باسی لە لێدانی "وحشیانە"ی هێزە ئینتزامییەکان له هێندێک لە بەشداربووانی ئەو کۆبوونەوە ناڕەزایەتییەی شاری تاران کرد.}

^{لە بڕیار‌نامەی کۆبوونەوەی ناڕەزایەتی فەرهەنگیاندا هاتووە، پێڕانەگەیشتن بە ژیان و گوزەرانی مامۆستایانی خانەنشین و دامەزراو، پشتگوێ خستنی چۆنیەتی بارهێنان لە قوتابخانەکان نیشانەی ئەوەیه کە پەروەردە و بارهێنان لە ئەولەویەتی ناوەندەکانی دەسەڵات و بەرپرسانی دەوڵەتی دا نییە".}

^{بەپێی ئامارەکان، لە وڵاتی ئێراندا نزیک بە ١ میلیۆن و نیو مامۆستا ئەرکی وانە وتنەوە بە ١٤ میلیۆن قوتابیان لە ئەستۆیە.}

11/5/2018