^{ڕۆژی 3 ی مانگی پـێنج، 25 هەمین ساڵیادی ڕۆژی جیهانیـیە بۆ ئازادی ڕۆژنامەگەری. ئەم ڕۆژە لە 3 ی مانگی ساڵی 1991 لە لایەن کۆمەڵێک ڕۆژنامەوانی ئەفریکایی پـێشنیارکرا کە لە کۆبوونەوەیەکی یونسکۆ لە ویندهوکی وڵاتی نامیبیا بەشداریـیان کردبوو.}

^{ڕۆژنامەوانەکان لە ڕاگەیاندنێکدا گوتیان" ئازادی ڕۆژنامەگەری تەنیا لە ڕێگەی زامنکردنی ژینگەیەکی ڕاگەیاندنی ئازاد و سەربەخۆ دێتەدی کە تیایدا چەندان دەزگای ڕاگەیاندن بوونیان هەبێت. ئەمەش مەرجێکی پـێش وەختە بۆ مسۆگەرکردنی سەلامەتی ڕۆژنامەوانان لە کاتی جێبەجێکردنی ئەرکەکانیان، وە زامنیشبکرێت لێکۆڵینەوەی خێرا و ورد ئەنجام‌دەدرێن بۆ ئەو تاوانانەی بەرامبەر ئازادی ڕۆژنامەگەری دەکرێن."}

^{هەروەها تیایدا هاتووە " دیموکراتی و مافەکانی مرۆڤ بەدی نایەن ئەگەربێت و ڕۆژنامەگەری ئازاد نەبێت."}

^{ئەم ڕاگەیاندنە بە "ڕاگەیاندنی ویندهوک" ناودێرکرا و لە خولی بیست و شەشەمی کۆنگرەی گشتی یونسکۆ لە ساڵی 1991 پەسەندکرا.}

^{پاشان لە مانگی دوازدەی ساڵی 1993 کۆمەڵەی گشتی نەتەوە یەکگرتووەکان بە بڕیاری ژمارە 48/432 ، ڕۆژی 3 ی مانگی پـێنجی وەک ڕۆژێکی جیهانی بۆ ئازادی ڕۆژنامەگەری پەسەندکرد. لەو کاتەوە ساڵانە لەم ڕۆژەدا ئەم ڕاگەیاندنەی ویندهوک بەرز ڕادەگیرێت و لە سەرانسەری جیهان مەراسیم و کۆبوونەوەی تایبەتی بۆ سازدەکرێت.}

^{سەردێڕی ئەمساڵی 2018 بۆ ئەم بۆنەیە"هاوسەنگی دەسەڵاتەکان: میدیا، دادوەری و سەروەری یاسا" دەبێت.}

^{واتە سەنگی دەخرێتەسەر گرنگی دروستبوونی ژینگەیەک کە تیایدا یاسا سەروەربێت و دەزگای دادوەری سەربەخۆبێت و دادگایی هەموو کەسێک دەکرێت ئەگەربێت و تاوان بەرامبەر ڕۆژنامەوانان ئەنجام بدات.}

^{هەروەها باس لە ڕۆڵی دەزگاکانی ڕاگەیاندن دەکرێت لە بەرەوپـێشبردنی کۆمەڵگە، بە تایبەتی لە کاتی هەڵبژاردنەکاندا، ئەمەش بەو پـێـیەی دەستەیەکی چاودێری دەبێت و شەفافیەت و لێپـرسینەوە و سەروەری یاسا بەهێز دەکات. لەگەڵ ئەوانەش کەلێنە یاسایـیەکان دەستنیشانبکرێن لە بارەی ئازادی ڕادەربڕین و بڵاوکردنەوەی زانیاری لە ڕێگەی ئنتەرنێتەوە.}

3/5/2018