^{پارتی دیموکراتی گەلان (هەدەپە) ڕایگەیاند سەڵاحەدین دەمیرتاش دەبێتە کاندیدی پارتەکەیان بۆ هەڵبژاردنەکانی سەرۆکایەتی کە بڕیارە لە مانگی شەش بەڕێوەبچێت.}

^{هەدەپە ئەمڕۆ چوارشەممە ئەمەی ڕاگەیاند و گوتی هەڵمەتی بانگەشەی هەڵبژاردن بۆ دەمیرتاش دەسـتپـێدەکات و لە پاشنیوەڕۆی هەینی لە هەردوو شاری ئامەد و ئستەنبوڵ ڕێپـێوانی بۆ سازدەکرێت.}

^{بڕیارە لە 24 ی مانگی شەش هەڵبژاردنی سەرۆکایەتی و پەرلەمانی لە تورکیا بەڕێوەبچێت، ئەمەش پاش ئەوەی ڕەجەب تەیب ئەردۆغان سەرۆکی تورکیا داوایکرد هەڵبژاردنی پـێش وەخت ئەنجام بدرێت، واتە ساڵێک و نیو بەر لە وادە ئاسایـیەکەی خۆی.}

^{سەڵاحەدین دەمیرتاشی تەمەن 45 ساڵ لە سەرەتای مانگی یازدەی ساڵی 2016 وە لەگەڵ فیگەن یوکسەکداغ دەستگیرکراون. لەو کاتەدا هەردووکیان هاوسەرۆکی هەدەپە بوون و تۆمەتبارکراون بەوەی پشتیوانی لە پارتی کرێکارانی کوردستان دەکەن. داواکاری گشتی تورکیا داوایکردووە دەمیرتاش 142 ساڵ زیندانی بکرێت و فیگەن یوکسەکداغیش 83 ساڵ.}

^{سەڵاحەدین دەمیرتاش لە هەڵبژاردنەکانی سەرۆکایەتی ساڵی 2014 ، نزیکەی 4 ملیۆن دەنگی بەدەسـتهێنا کە دەکاتە 9.76% لە کۆی دەنگدەران. ڕەجەب تەیب ئەردۆغان بە دەنگی 21 ملیۆن کەس کە 51.79% ی دەنگدەرانی دەکرد پـۆستی سەرۆکایەتی بردەوە.}

^{هەدەپە لە هەڵبژاردنە پەرلەمانیـیەکەی 7 ی مانگی شەشی ساڵی 2015 ، لە کۆی 550 کورسیـیەکەی پەرلەمانی تورکیا 80 کورسی بردەوە، بەڵام ئاکەپە لەگەڵ پارتەکانەدا ڕێکنەکەوت بۆ پـێکهێنانی حکومەت، بۆیە لە 1 ی مانگی یازدەی 2015 هەڵبژاردنەکان دووبارەکرانەوە و ژمارەی کورسیـیەکانی هەدەپە بۆ 59 دابەزین.}

^{لە پاش هەوڵی کودەتا لەشکریـیەکەش لە مانگی حەوتی ساڵی 2016 ، ژمارەیەک لەو پەرلەمانتارانەش خرانە زیندانەوە بە تۆمەتی جۆراوجۆر.}

3/5/2018