^{هاوسەرۆکی پێشووی پارتی دیموکراتی گەلان (هەدەپە) بەهۆی تێکچوونی باری تەندروستیی خۆیەوە، لە دانیشتنی دادگاییکردنەکەی، ئامادە نەبوو.}

^{رۆژی دووشەممە 30/4/2018 لە ئیستەنبوڵ، بەبێ ئامادەبوونی، دادگاییکردنی سەڵاحەدین دەمیرتاش، هاوسەرۆکی پێشووی هەدەپە و سری سورەییا ئۆندەر، پەرلەمانتاری ئەنقەرەی هەدەپە، بەڕێوە چوو.}

^{بەپێی زانیارییەکان، سەڵاحەدین دەمیرتاش بەهۆی تێکچوونی باری تەندروستیی خۆیەوە، ئامادەی دانیشتنەکە نەبوو و دادوەریش هەموو پارێزەرەکانی لە دادگا دەرکرد.}

^{پەرلەمانتارانی هەدەپە لە پرێس کۆنفرانسێکدا لە دەرەوەی دادگاکەدا، پرۆسەی دادگاییەکەیان بە ”شانۆگەری“ی حکوومەتی تورکی ا وەسف کرد و داوای ئازادکردنی دەمیرتاشیان کرد.}

^{زانیارییە میدیاییەکان باس لەوە دەکەن، کە پرۆسەی دادگاییکردنی هاوسەرۆکی هەدەپە و ئەو پەرلەمانتارەی هەدەپە بە بڕیاری دادگا بۆ رۆژی 8/6/2018 دواخرا.}

^{داواکاری گشتیی کۆماری تورکیا داوای سزای پێنج ساڵ زیندانیکردنی هەریەکە لە دەمیرتاش و ئۆندەری کردووە.}

^{دەمیرتاش لە 4/11/12016 لەسەر سکاڵای داواکاری گشتیی کۆماری تورکیا تۆمەتی سووکایەتیکردن بە وەـزیری ناوخۆی تورکیا و ئەندامبوون لە ”رێکخراوە تیرۆریستییەکان“ دەستگیر کراوە.}

30/4/2018