^{وه‌زیری ده‌ره‌وه‌ی توركیا ڕه‌تیكرده‌وه‌ وڵاته‌كه‌ی شاری عه‌فرین ڕاده‌ستی حكومه‌تی سوریا بكاته‌وه‌.}

^{ئه‌مڕۆ چوارشه‌ممه‌ مه‌ولود چاوه‌ش ئۆغڵو وه‌زیری ده‌ره‌وه‌ی توركیا ڕایگه‌یاند، وڵاته‌كه‌ی ئاماده‌ نییه‌ شاری عه‌فرین ڕاده‌ستی حكومه‌تی سوریا بكاته‌وه‌، چونكه‌ به‌وته‌ی ئه‌و له‌و شاره‌دا فه‌وزا دروستده‌بێت گه‌ر بێتوو ئه‌و كاره‌ ئه‌نجامبده‌ن.}

^{له‌چه‌ند كاتژمێری ڕابردوودا سێرگی لاڤرۆڤ وه‌زیری ده‌ره‌وه‌ی ڕوسیا داوای له‌توركیا كرد، شاری عه‌فرین ڕاده‌ستی حكومه‌تی سوریا بكاته‌وه‌.}

^{ئێستا كه‌ شاری عه‌فرین له‌لایه‌ن توركیا‌و هێزه‌ چه‌كداره‌كانی هاوپه‌یمانیه‌وه‌ داگیركراوه‌، كه‌چی توركیا ڕێگە دەگرن لەوە خەڵکی عەفرین بگەڕێنەوە سەر ماڵ و حاڵی خۆیان، بەڵام لە هەمان کاتدا زیاتر لە 150 خێزانی ئاوارەی غوتەی ڕۆژهەڵاتی لە ماڵەکانی عەفرین نیشتەجێ کردووە.}

١٣/٤/٢٠١٨