^{کرێکارانی "ارکان ثالث"ی پاڵاوگەی گازی شاری ئیلام باس لە دەرکرانی ١١ کرێکاری ئەو پاڵاوگەیە لە سەرەتای ئەمساڵەوە دەکەن.}

^{بەپێی هەواڵە بڵاوکراوەکان، ١١ کرێکاری "ارکان ثالث"ی پاڵاوگەی گازی شاری ئیلام لە سەرەتای ساڵی نوێدا، بە هۆکاری نادیار لەسەر کارەکەیان دەرکران.}

^{هەواڵدەریی "ئیلنا" لەو بارەیەوە بڵاوی کردەوە کە، ژمارەیەک لە کرێکارانی دەرکراو، ئەندامی شۆرای ئیسلامی کار لەو یەکە بەرهەمهێنەرە بوون و ئەمەش زیاتر نیگەرانی لای کرێکارانی دیکە بۆ دەرکردنیان لە سەر کارەکەیان درووست کردووە.}

^{ئەو هەواڵدەرییە لە زاری چالاکانی کرێکارییەوە بڵاوی کردووەتەوە، خاوەنکار دەبێ لە پەیوەندی لەگەڵ دەرکردنی ئەو کرێکارانە ئێمە قانع بکات و دەبێ ئێمە بزانین بۆ هاوکارەکانمان لە سەرەتای ساڵی نوێدا بێکار بوون.}

^{ئەو کرێکارانە سەرەرای نیگەرانی لە دەرکردنی هاوکارەکانیان دەڵێن: چاوەڕوانی جێبەجێ کردنی بەڵێنیەکانین و داوا لە خاوەنکارەکەمان دەکەین هەرچی زووتر ئەو بەڵێنانەی پێ دابووین جێبەجێی بکات.}

^{مانگی ڕەشەمەی ساڵی ڕابردوو (٩٦) کرێکارانی پاڵاوگەی گازی ئیلام بەهۆی وەدواکەوتنی سنواتی ٥ ساڵەی خۆیان لەلایەن خاوەنکارەکەیانەوە لە بەردەم بینای ئەو پاڵاوگەیە کۆبوونەوە و داوای پارە وەدواکەوتووەکەیان کرد.}

10/4/2018