^{بە پێی ڕاپۆرتە تازەکانی ڕێژیم، پانتایی و قووڵایی دەریاچەی ورمێ دیسان کەمتر بووەتەوە.}

^{دەریاچەی ورمێ کە لە دەیەی ٨٠ی هەتاوی، بەرەو وشک بوون چووە و بە پێی ئامارە نێونەتەوەییەکان هەتا ئێستا نزیک بە ٨٠ لە سەدی وشک بووە، دیسان بە پێی ڕاپۆرتی هەواڵدەرییە نێوخۆییەکانی ڕێژیم، لە ئاستی قووڵایی و پانتایی کەمی کردووە.}

^{ڕۆژی هەینی ڕێکەوتی ١٧ی خاکەلێوە، هەواڵدەرییە نێوخۆییەکانی ڕێژیم، ڕاپۆرتیکیان بڵاو کردەوە کە تێیدا هاتووە ئاستی دەریاچەی ورمێ بە نیسبەت بەرزایی دەریاوە گەیشتووەتە ١٢٧٠ میتر، کە بەبەراورد لەگەڵ ساڵی ڕابردوو ٢ سانتیمێتر و هەروەها پانتایی ئەو دەریاچەیە بەبەراورد لەگەڵ ساڵی ڕابردوو ٢٣ کیلومێتر کەمی کردووە.}

^{لە لایەکی دیکەشەوە، فەرهاد سەرخۆش، بەرپرسی نووسینگەی پارێزگاری و ژیانەوەی دەریاچەی ورمێ، باسی لەوە کردووە کە مانگی ڕێبەندانی ١٣٩٥ هەتا ڕێبەندانی ١٣٩٦هەتاوی، ٢٥٦ کیلومێتری چوارگۆشە پانتایی ئەو دەریاچەیە کەم بووەتەوە.}

^{زیاتر لە ١٥ ساڵە کە بەرپرسانی ڕێژیمی ئێران، دروشم دەدەن کە هەموو هەوڵەکان بۆ ژیاندنەوەی دەریاچەی ورمێ دەخەنەگەڕ و تا ئێستا گەلێک پرۆژە پێشنیار کراوە کە هەندێکیان بە نیوەچڵی و ناسەرکەوتوویی ماوەتەوە و پرۆژەکانی دیکەش بە کردەیی نەکراون.}

^{ڕێژیمی ئێران کە خۆی بە پرۆژە نازانستییەکانی و ئیزن‌دان بۆ هەڵکەندنی بیری ئاو لەو ناوچەیە و درووست کردنی ڕێگە و بان لە نێوڕاستی ئەو دەریاچەیە، هۆکاری سەرەکی وشک بوونی دەریاچەی ورمێیە، لە ڕاستای سیاسەتە فاشیستییەکانی و لە نێوبردنی سروشت و ژینگەی کوردستان، بە ئەنقەست هەوڵی کاریگەر و ئەرێنی بۆ ژیانەوەی ئەو دەریاچەیە نادات.}

7/4/2018