^{ئیدارەی ئیتلاعاتی شاری سنە گۆرانیبێژێکی کوردی بانگهێشت کرد و لێكۆڵینەوەی لەگەڵ کرد.}

^{بەپێی هەواڵی  ئاژانسی هەواڵدەریی کورپا، گۆرانیبێژێکی کورد بە ناوی "وەلی حسێنی" خەڵکی گوندی شیان سەر بە شاری سنە بانگهێشتنی ئیدارەی ئیتلاعات کراوە.}

^{بە وتەی سەرچاوەیەکی ئاگادار، هێزەکانی ئیتلاعات هەڕەشەیان لەم گۆرانیبێژە کوردە کردووە کە نابێت لە جەژنە نەتەوەییەکانی کوردستاندا بەشداری بکات.}

^{ئەم سەرچاوە لە درێژەدا وتی: هێزەکانی ئیتلاعات بەم گۆرانیبێژە کوردەیان وتووە کە ئەگەر بەشداری لەم جەژنانەدا بکات و داواکەی ئەوان پشتگوێ بخات ئەوا ڕووبەڕووی حوکمی قورسی دادگا دەبێتەوە.}

^{ئەم گۆرانیبێژە کوردە دوای چەند کاتژمێر لێكۆڵینەوە، ئازاد کراوە.
ئەمە چەندەمین جارە، ناوەندەکانی ئیتلاعات ئەم گۆرانیبێژە بانگهێشت و لێكۆڵینەوی لەگەڵ دەکەن.}

^{ڕۆژی پێنجشەممە ڕێکەوتی ٩ی خاکەلێوە، هێزەکانی ئیتلاعات دەستیان بەسەر بەڵگەنامەکانی هاووڵاتیەکی کورد، بە ناوی "بێهزاد خزری" دا گرتووە و دوای بانگهێشت کردنی ناوبراو، دەسبەسەریان کردووە.}

٤/٤/٢٠١٨