^{شازادە محەمەد بن سەلمان، جێگری سعوودیە، ئاشکرای کردووە، گوشارهێنانی ئابووری بۆ ئێران، دەبنە ڕێگری لەبەردەم هێرشی سەربازی بۆ سەر ئەو وڵاتە.}

^{شازداە محەمەد بن سەلمان کە سەردانی ئەمریکای کردووە، لە لێدوانێکدا بۆ ڕۆژنامەی (ڤۆل ستریت جۆرنال) ڕای گەیاندووە: "گوشار و گەمارۆکان بۆ سەر کۆماری ئیسلامیی، دەبنە ڕێگر لەبەردەم هێرشی سەربازی و ڕاستەوخۆ بۆ سەر ئەو وڵاتە"}

^{شا سەلامن ئاماژەی بەوەش کردووە: "بۆ خۆبواردن لە ڕووبەڕوو بوونەوەی سەربازی دەبێ سەرکەوتوو بین، دەنا ئەگەری زۆرە لە ماوەی 10 هەتا 15 ساڵی داهاتوودا لەگەڵ ئێران دەکەوینە شەڕەوە".}

^{لەم سەردانەدا شا سەلمان جێگری سعوودیە لەگەڵ دۆناڵد ترەمپ، سەرکۆماری ئەمریکا دیداری هەبووە. لە ماوەی دە ڕۆژی ڕابردوودا لەگەڵ ئەو بەرپرسە باڵایانەی ئەمریکا کە هەڵوێستی توندیان بەرانبەر بە ئێران هەیە، لەلایەن ترەمپەوە هێنراونەتەوە ناو کۆشکی سپییەوە، وەک مایک پمپۆ و جۆن بۆڵتەن بۆ پۆستی وەزارەتی دەرەوە و ڕاوێژکاری ئاسایشی نەتەوەیی ئەمریکا".}

^{شا سەلمان لەبارەی شەڕی ناوخۆیی یەمەنەوە گوتی: "ئەگەر دەستێوەردانەکانی ئێران نەبایە، قەیرانی ئەو وڵاتە فراوانتر نەدەبوون، ئەگەر دەستێوەدانی سەربازیی ئێمە لە ساڵی 2015 نەبایە، ئێستا یەمەن لە نێوان دوو گرووپی حووسییەکان و قاعیدەدا دابەش کرابوو".}

^{ئەم قسانەی جێگری شای سعوودیە لە کاتێک دان کە چوار ڕۆژە لەمەوبەر حەوت مووشەکی حووسییەکان کە بۆ سعوودیە هاوێژران، لالەیەن ئەو وڵاتەوە پووچەڵ کرانەوە، بەڵام بەربوونەوەی لاشەی مووشەکەکان بووە هۆی کوژرانی هاووڵاتییەکی مسیری.}

30/3/2018