^{دوو فڕۆکەی جەنگیی ئیسرائیل دوێنێ پێنجشەممە بەسەر ئاسمانی ئێراندا سووڕاونەتەوە و پاش ئامانجگیریی تاقیکاری، بەبێ ئەوەی لەلایەن ڕادارە ئاسمانییەکانی ئێرانەوە پێشگیرییان لێ بکرێ، گەڕاونەتەوە بنکەکانی خۆیان.}

^{بەپێی ڕاپۆرتی ڕۆژنامەی "الجریدە کویت" دوێنێ پێنجشەممە 2018/3/29 دوو فڕۆکەی جەنگیی ئێف 35ی ئیسرائیل لەڕێگەی ئاسمانی سووریا و عێراقەوە، چوونەتە ناو خاکی ئێرانەوە و تەنانەت چەندین شوێنیان لە پارێزگاکانی "شیراز، بەندەر عەباس و ئیسفەهان"یان وێنە گرتووە.}

^{بەپێی هەمان سەرچاوە، فڕۆکە جەنگییەکانی ئیسرائیل لە پێشکەوتووترین جۆری فڕۆکەی جەنگین لە جیهاندا کە بە بەرزانیی زۆر بەسەر ئاسمانی کەنداودا سووڕاونەتەوە و بەسەر ئەو ناوچانەشدا سووڕاونەتەوە کە کە بنکە ناوکییەکانی ئێرانیان تێدایە و دەگوترێت تەنانەت قەڵغانە ڕووسییەکانیش کەلە ئێران هەن، نەیانتوانیوە شناساییان بکەن.}

^{بەپێی ڕاپۆرتی ڕۆژنامەی "جروزالم پۆست"ی ئیسرائیل، دیار نییە کە ئایا فڕینی ئەو دوو فڕۆکە جەنگییەی ئیسرائیل بەسەر خاکی ئێراندا، بە هەماهەنگیی لەگەڵ ئەمریکا بووە، یان نا".}

^{هەتا ئێستا هیچ سەرچاوەیەکی فەرمی لە ئێران و ئیسرائیل، ئەم ڕاپۆرتەیان پشتڕاست نەکردووەتەوە، بەڵام ڕۆژنامەی "الجرید کویت" بەوە ناسراوە کە پەیوەندییەکی قووڵ و نزدیکی لەگەڵ ئیسرائیل هەیە.}

٣٠/٣/٢٠١٨