^{ئەمساڵ لە رۆژهەڵاتی کوردستان هاونیشتمانیان بە جۆش و خرۆشەوە پێشوازی لە ساڵی نوێ و نەورۆز کرد.}

^{لە رۆژهەڵاتی کوردستانیش وەک سەرجەم بەشەکانی دیکەی کوردستان ئاگری نەورۆز کرایەوە. هەرچەندە لە ئێران لە شەوی دوایین چوارشەممە ساڵ ئاگری نەورۆز دەکرێتەوە بەڵام لە کوردستان کوڕ و کچ دەست لەناو دەستی یەکدی ئاگری نەورۆزیان کردەوە.}

^{لە ناوچە جیاوازەکانی رۆژهەڵات لاوان بە پۆشینی جلوبەرگی کوردییەوە دەست لەناو دەست و بە گێڕانی شایی و ئاهەنگ ئاگری نەورۆزیان کردەوە و پێشوازییان لە ساڵی نوێ کرد.}

^{لە هەر شارە و بەشێوازی جیاواز ئاگری نەورۆز کرایەوە. لە مەراسیمی کردنەوەی ئاگردا لە کرماشان هەرچەندە خۆی زامدارە بەڵام زامەکانی کوردستانیان لەبیرنەکرد و پەیامی پشتیوانییان بۆ عەفرین نارد.}

^{ئاگری نەورۆز لە مەریوان و بە تایبەتیش لە گوندی "نەی هەر ساڵ" بە شیوازێکی تایبەتی کوردانە هەڵکراوە، بەڵام ئەمساڵ هێزە ئەمنییەکان لەناو گوندەکەدا بڵاوبوونەوە و رێگریان لە بەڕێوەچوونی مەراسیمەکە کرد.}

^{هەروەها بۆ یەکەمجار لە شاری سنە، پارێزگار و شارەوانی سنە لە یاریگای تۆپی پێی شارەکە رێوڕەسمی سەری ساڵ و نەورۆزیان رێکخست. میدیاکانی نزیک لە حکومەت دەڵێن، 20 هەزار کەس لەو رێوڕەسمەدا بەشداربوون.}

^{لە شاری مهابادیش پێشانگەی کولتووری و کەلەپووری کوردی بەناوی "هەوارگە" کرایەوە، جلوبەرگی رەسەن، کەلوپەلی کۆن و کەلەپووری کوردستان نمایشکران.}

^{لە شاری ئۆرمیە لاوان بە هەڵکردنی ئاگر و یاریی ئاگرین پێیاننایە ناوی ساڵێکی نوێ و بە هەڵپەڕکێی کوردی پێشوازییان لە ساڵی نوێ کرد.}

21/3/2018