^{ئۆرگانە دەوڵەتییەکانی حکوومەتی ئێران، بۆ بەڕێوەبردنی ڕێوڕەسمی جێژنی نەورۆز ئیزنیان بە ناوەندە مەدەنییەکان نەداوە.}

^{بەپێی هەواڵی گەیشتوو بە ئاژانسی هەواڵدەریی کوردپا، ناوەندە مەدەنییەکان لە سنە، نەیانتوانی مۆڵەتی بەڕێوەبردنی جێژنی نەورۆز وەربگرن.}

^{ئۆرگانە دەوڵەتییەکان لە شاری سنە، بە پێنەدانی مۆڵەت بۆ بەڕێوەبردنی جێژنی نەورۆز، بە ناوەندە مەدەنییەکان، جێژنی نەورۆز لە لایەن دەوڵەتەوە لە شوێنێكی دیاریکراو بەڕێوە دەچێت.}

^{ئەم کارەی ئۆرگانە دەوڵەتییەکان، کاردانەوەی چالاکانی مەدەنی لێ کەوتەوە و بەڕێوەچوونی نەورۆزیان لە لایەن حکوومەتەوە بە "نەورۆزی حکوومەتی" ناودێر کردووە.}

^{لە بەرەبەری جێژنی نەورۆز، ناوەندەکانی ئیتلاعات لە کوردستان، بە بانگهێشت کردنی چالاکانی مەدەنی، لە هەوڵی ئەوەدا بوون ڕێگە لە بەڕێوەچوونی جێژنی نەورۆز بگرن.}

^{ساڵی ڕابردوویش، لە ئوستانی ورمێ، ئۆرگانە حکوومەتییەکان، داواکاریی ناوەندە مەدەنییەکانیان، بۆ بەڕێوەچوونی جێژنی نەورۆز ڕەت کردەوە.}

21/3/2018