^{سەنتەری دیموکراسی بۆ مافەکانی مرۆڤ لە کوردستان رایدەگەیەنێت، لە رۆژی 56ـەمینی هێرشەکەی سوپای تورکیا، نزیکەی 100 هاووڵاتی لە شاری عەفرین لە رۆژئاوای کوردستان، بوونەتە قوربانی.}

^{بەپێی راگەیەندراوێکی سەنتەرەکە،لە رۆژی هەینی 16/3/2018 (56مین رۆژی هێرشی سوپای تورکیا)، دەیان هەزار هاووڵاتیی عەفرین بەردەوام بوون لە کۆچ کردن و چۆڵ کردنی شارەکەیان.}

^{سەنتەری دیموکراسی هەروەها رایگەیاندووە، لە بەهۆی بۆردومانی سوپای تورکیا و گرووپە توندرەوەکانی ئۆپۆزیسیۆنی سووریا لە ناوەڕاستی عەفرین، 38 هاووڵاتی گیانیان لەدەست داوە و 40ـی دیکەش بریندار بوون.}

^{هەروەک سەنتەری دیموکراسی بۆ مافەکانی مرۆڤ لە کوردستان رایگەیاندووە، گرووپە توندڕەوەکانی ئۆپۆزیسیۆنی سووریا دەستیان بەسەر گوندەکانی خازیانای سەروو و خواروو، شێج بیلال، قاسم، جەرخۆتا، جۆبنا، کوردا. دارکرێ، کۆکانەی خواروو و سەروو و عەین حەجەر لە گوندەوارەکانی عەفریندا گرتووە.}

^{میدیاکانی سەر بە یەکینەکانی پاراستنی گەل (یەپەگە) بڵاویان کردووەتەوە، کە فڕۆکە جەنگییەکانی تورکیا بە سێ مووشەک نەخۆشخانەی عەفرینیان کردووەتە ئامانج و بەهۆیەوە نۆ هاووڵاتی گیانیان لەدەست داوە، بەڵام سوپای تورکیا رەتی دەکاتەوە نەخۆشخانەی شارەکەی بۆردومان کردبێت.}

^{لە رۆژی 20/1/2018ـەوە، سوپای ئازادی ئۆپۆزیسیۆنی سووریا و سوپای تورکیا بە بەکارھێنانی ھێزی ئاسمانی، زەمینی و تۆپخانە، لەژێر ناوی ئۆپەراسیۆنی (چلە زەیتوون)، ھێرشیان کردووەتە سەر شاری عەفرین لە رۆژئاوای کوردستان.}

18/3/2018