^{هاووڵاتییان و دانیشتوانی گوندی "نێ"ی مەریوان بۆ پێشوازی لە ساڵی نوێی کوردی، ڕێوڕەسمێکیان بەڕێوەبرد،کە لەگەڵ هێرشی هێزە حکوومەتییەکان بۆ سەر ئەو گوندە بەرەوڕوو بوونەوە.}

^{بەپێی هەواڵی ئاژانسی هەواڵدەریی کوردپا، ڕۆژی هەینی ٢٥ی ڕەشەمە، هێزەکانی سپا و ئیتلاعات هێرشیان کردە سەر گوندی"نێ"ی شاری مەریوان و پێشیان بە بەڕێوەچوونی ڕێوڕەسمی پێشوازی کردن لە جێژنی نەورۆز لەو گوندە گرت.}

^{خەڵکی گوندی نێ ویستوویانە لە بەرەبەری جێژنی نەورۆز ڕێوڕەسمێکی بچووک بەڕێوەب بەن، کە لەلایەن هێزەکانی سپا و ئیتلاعات پێشی پێگیرا و شەڕ لە نێوان خەڵک و هێزە حکوومەتییەکان هاتە ئاراوە.}

 ^{لەو شەڕ و تێکهەڵچوونەدا، کە لە نێوان خەڵک و هێزکانی حکوومەتی ڕوویدا، چەند ماشینێکی هێزەکانی حکوومەتی تێکشکێندراوە.}

 ^{هێزە حکوومەتییەکانیش دەستیان گرتووە بە سەر ئۆرگ و کەرەستەی موسیقا و لەگەڵ خۆیان بردوویانە.}

^{دەوترێ، کەش و هەوای نیزامیی زاڵە بە سەر گوندی نێ و هاتوچۆ لەو گوندەدا، لەلایەن هێزە حکوومەتییەکانەوە قەدەغە کراوە.}

^{گوندی نێ یەکێک لە گوندەکانی شاری مەریوانە و بەپێی سەرژمێری ناوەندی ئاماری ئێران لە ساڵی ٨٥ی هەتاوی، ڕێژەی دانیشتوانی ٢ هەزار ٤٣٧ کەسە.}

^18/3/2018