^{کۆماڵێک لە کرێکارانی شارەداریی شاری سنە، کە ماوەی ٤ ساڵە مووچەیان وەرنەگرتووە، لە بەردەم بینای ئەو ئیدارەیە بە نیشانەی ناڕەزایەتی دەربڕین کۆبوونەوە.}

^{بەپێی ڕاپۆرتی سەرچاوە خۆجێیەکان، کۆمەڵێک لە کرێکارانی شارەداریی شاری سنە، بە هۆی پێنەدانی حەقەدەستی ٤ ساڵەیان بە نیشانەی ناڕەزایەتی دەربڕین لە بەردەم بینای شارەداری کۆبوونەوە.}

^{بە وتەی یەکێک لە خاوەنکارانی شارەداریی سنە، قەزردار بوونی ئەو دەزگا دەوڵەتییە بەو خاوەنکارە، لە ساڵی ٩٣وە دەستی پێ کردووە و سەرەڕای پێنەدانی پارەی خۆی، بەڵکوو لە بواری قانوونییەوە کەمتەرخەمیش کراوە.}

^{هەواڵدەریی تەسنیم لە زمان یەکێکی دیکە لە خاوەنکارەکان بڵاویکردووتەوە، دواکەوتنی مووچەکانی ئێمە لە ساڵی ٩٢ و٩٣ دەستی پێ کردووە و شارەداری پێشووی شاری سنە، بە ئێمە ڕایگەیاندبوو، بڕۆن کار بکەن و پاشان پارەکەتان پێ دەدەین بەڵام ئێستاشی لەگەڵ بێ ئەو پارەیە هەر نەدرا.}

^{یەکێکی دیکە لە پەیمانکاران کە نەیویست ناوی ئاشکرا بکرێ دەڵێ: ماوەی چەند مانگە کاری ئێمە بوووتە کۆبوونەوە و دەستمان لە ژیانی خۆمان هەڵگرتووە و لێرەدا کۆ دەبینەوە، بەڵام بەرپرسانی شارەداریی خەریکی یاریکردن بە ئێمەن.}

^{جێگری پەرەپێدان و بەڕێوەبەریی شارەداریی سنە، لەو پێوەندییەدا دەڵێ: ئەم بەڵێندرانە بە شێوەی “سەنەواتی” زۆر کاریان بۆ ئێمە کردووە، بەڵام بەداخەوە بە هۆی کێشەی ماڵی شارەداریی نەمانتوانیوە پارەکەیان پێ بدەین.}

12/3/2018