^{لە ڕۆژی ٨ مارس، ڕۆژی جیهانی ژنان، زیاتر لە ٨٠ ژن و پیاو لەبەر دەم وەزارەتی کار لە شاری تاران لەلایەن مەئموورانی ئینتزامیی و گاردی دژی شۆڕش، دەسبەسەر کران.}

^{بەپێی هەواڵە بڵاوکراوەکان، ڕۆژی پێنجشەممە ١٧ی ڕەشەمە، سەرەڕای کەش و هەوای ئەمنیەتی و بەشداری مەئموورانی ئینتزامی و گاردی دژی شۆڕش، ژمارەیەک لە ژنان و پیاوان لە بەر دەرگای وەزارەتی کار کۆبوونەوە.}

^{بە پێی ڕاپۆرتی کانوونی مافی مرۆڤی ئێران، پاش کۆبوونەوەی ژنان بۆ بەڕێوەچوونی ڕۆژی ژنان لە ٨ی مارس لە بەرانبەر وەزارەتی کار، مەئموورانی ئەمنیەتی هێرشیان کردە سەر ئەو ژنانە و ژمارەیەکیان لێ دەسبەسەر کردن.}

^{بە پێی ئەو سەرچاوەیە، ژمارەیەک لە پیاوانیش لەو پەیوەندییەدا دەسبەسەر کراون و بۆ شوێنی نادیار ڕاگوێزراون.}

^{شوناسی ژمارەیەک لەم ژن و پیاوانەی کە دەسبەسەرکراون بەم چەشنەیە:
بەنەفشە جەماڵی، زۆهرە ئەسەد پوور، پەرەستوو ئەلاهیار، ئازادە بێهکێشی، ئازەر گیلانی، بەهارە ئەسڵانی، ئینا قوتبی یەقووبی، سەفرا کەریمە دین و سوودابە ڕەخش، مێهرداد فەلاحی، عەلی سالم، جەواد عەباسی تەوەلی، پەیمان چێهرازی و مەولوود حاجی زادە.}

^{ئەو ژنانە لە بەر دەرگای وەزارەتی کار لە شاری تاران ئەم پلاکارد و نووسراوانەیان هەڵگرتووە: "بۆ لابردنی هەڵاواردن دانانیشین"،"نا بۆ هەڵاواردنی جینسی"،"حەقدەستی بەرانبەر و دادپەروەرانە بۆ ژنان" و"ئازادی بەرانبەری، دادپەروەری جینسی".}

^{دەوترێ، لە کۆی گشتی٨٤ کەس ژنان و پیاوانی دەسبەسەر کراو لەلایەن هێزە ئەمنییەتییەکان و گاردی دژی شۆڕش، ٥٩ ژن و ٢٥ پیاو لە بەردەرگای وەزارەتی کار دەسبەسەر کراون.}

9/3/2018