^{چالاکێکی مەدەنیی کورد، خەڵکی شاری سەقز، لە لقی یەکی دادگای ئینقلابی ئەو شارە دادگایی کرا.}

^{بەپێی هەواڵی گەیشتوو بە ئاژانسی هەواڵدەریی کوردپا، ڕۆژی سێشەممە ١٥ی ڕەشەممە، نەجیبە ساڵح‌زادە، ژنە چالاکی مەدەنیی کورد، لە شاری سەقز و هاوسەری مەحموود ساڵحی، چالاکی کرێکاریی بە تۆمەتی "پڕوپاگەندە دژی نیزام لە ڕێگای وتووێژ لەگەڵ ڕاگەیاندنە بیانییەکان و دەرەوەی وڵات بەتایبەتی ڕادیو پ ەیام و تیڤی رو در رو" لە لقی یەکی دادگای ئینقلابی شاری سەقز دادگایی کرا.}

^{ئەو چالاکە مەدەنییە، وێڕای ڕەت کردنەوەی ئەو تۆمەتە، لە دادگا ڕایگەیاند: "ئەگەر داکۆکی لە هاوسەرەکەم (مەحموود ساڵحی) پڕوپاگەندە دژی نیزام بە ئەژمار بێت، من هیچ قسەیەکم بۆ وتن نییە".}

^{دادگایی کردنی ئەو چالاکە مەدەنییە، پاش نێوکاتژمێر کۆتایی هات و دادوەری دۆسییەکە ڕایگەیاند، هەتا یەک حەوتووی دیکە لە ڕێگای "سامانە سەنا" حوکمی ئەو ژنە چالاکە مەدەنییە بە ناوبراو ڕادەگەینین.}

^{نەجیبە هاوسەری مەحموود ساڵحی لە کاتی دادگایی کردنیدا، لە دادگادا ئامادە بوو.}

^{ڕۆژی یەکشەممە ٨ی ڕێبەندان، ناوبراو بە تۆمەتی "پڕوپاگەندە دژی نیزام" لە لقی سێ دادیاری دادگوستەری شاری سەقز "تفهیم اتهام" کرابوو.}

7/3/2018