^{لە کۆبوونەوەی ساڵانەی "ئەی پەک" دوو وڵاتی ئامریکا و ئیسرائیل هەڕەشە و مەترسییەکانی ڕێژیمی ئیسلامیی ئێران تاوتوێ دەکەن.}

^{ماوەی دوو ڕۆژە کۆبوونەوەی ساڵانەی "ئەی پەک" لە وڵاتی ئامریکا بەڕێوە دەچێت و لە دانیشتنانەدا بە شێوەیەکی چڕوپڕ باسی ڕێژیمی ئیسلامیی ئێران دەکرێت و ڕێگاکانی بەرەنگاربوونەوە بە دژی ئەو ڕێژیمە لێک دەدرێتەوە.}

^{لەو کۆبوونەوەیەدا باس لە بەرەوڕووبوونەوە بە دژی ڕێژیمی ئێران لە ناوچەکەدا، پێشگرتن لە بەرنامەی ناوکیی ڕێژیم و هەروەها مووشەکە بالستیکییەکان دەکرێت.}

^{"مۆرتۆن فریدمەن"، سەرۆکی ئەی پەک، لەو کۆبوونەوەیەدا باسی لەوە کردووە، ئەمنییەتی ئیسرائیل گرینگترین باسە و ڕێژیمی ئێران لە ناوچەکەدا هەڕەشەیەک بۆ سەر ئەمنییەتی وڵاتانی ناوچەکەیە.}

^{هاوکات "مایک پێنس" جێگری سەرکۆماری ئامریکا، لە یەکەم ڕۆژی ئەو کۆبوونەوەیەدا وتوویەتی: ''ڕێککەوتنی ناوکی کارەساتێکە و ئەوەش پێش بە ڕێژیمی ئێران بۆ دەستپێڕاگەیشتن بە چەکی ناوکی ناگرێت و ئەگەر ئەو ڕێكکەوتنە پێداچوونەوە و دەستکاری تێدا نەکرێت، ئامریکا بە زووترین کات لێی دەردەچێت.}

^{لەو پێوەندییەدا، پۆل ڕایان نوێنەری مەجلیسی نوێنەرانی ئامریکا، مانگی خاکەلێوەی ئەمساڵ، لە "ئەی پەک" (کۆمیتەی پێوەندیی گشتیی ئامریکا و ئیسرائیل) باسی لە دەستێوەردان و تێکدانی سەقامگیریی ناوچەکە لە لایەن ڕێژیمی ئێرانەوە کرد و وتی: دەبێ سپای پاسدارانی ڕێژیمی ئێران لە ڕیزی تێرۆریزم ناوی تۆمار بکرێت.}

^{ئەو بەرپرسەی ئامریکا جەختی کردووە، کە ڕێژیمی ئێران پشتیوانی لە دیکتاتۆرێک لە سووریە دەکات، کە دەستی داوەتە کۆمەڵکوژی، هەروەها چەکدارانی یەمەن چەکدار دەکات و پشتیوانیی ماڵی لە تێرۆریستەکانی بەغداد هەتا بەیرووت دەکات.}

7/3/2018