^{لاوێکی کوردی خەڵکی یەکێک گوندەکانی شاری مەریوان، بە هۆکارێکی نادیار هەوڵی خۆکوژی دا.}

^{بەپێی هەواڵی  هەواڵدەریی کوردپا، پێنج ڕۆژ پێش، لاوێکی تەمەن ٢٨ ساڵ خەڵکی گوندی "چۆڕ"ی شاری مەریوان، هەوڵی خۆکوژی دا و پاش پێنج ڕۆژ مانەوە لە نەخۆشخانە گیانی لە دەست دا.}

^{شوناسی ئەو لاوە مەریوانییە، بە ناوی "عەتا ئەحمەدی" تەمەن ٢٨ ساڵ خەڵکی گوندی "چۆڕ" سەر بە شاری مەریوان ڕاگەیندراوە.}

^{سەرەڕای هەوڵی پزیشکەکان بۆ ڕزگار کردنی عەتا ئەحمەدی لە مردن، هەوڵەکانیان بێئاکام بوو و پاش پێنج ڕۆژ مانەوە لە نەخۆشخانەی شاری سنە، ڕۆژی ڕابردوو گیانی لە دەست دا.}

^{هەتا کاتی بڵاوبوونەوەی ئەم هەواڵە هۆکاری خۆکوژی ئەو لاوە کوردە ڕانەگەیندراوە.}

^{زۆربوونی ڕێژەی خۆکوژی لە ئێران، لەم چەند ساڵەی دواییدا بەتایبەت لە نێو لاوان و ژنان، لە لایەک بەرهەمی هەژاری و خەسارە کۆمەڵایەتییەکان لە ئێرانە و لە لایەکی دیکەوە بە هۆی سووکایەتی کردن و گوشاری هێزە ئەمنییەتییە حکوومەتییەکان لەسەر خەڵکە.}

6/3/2018