^{لاوێکی کوردی خەڵکی شاری جوانڕۆ بە ناوی (قوباد ئەعزەمی)، کە ڕۆژی پێنجشەممە، ٩ی ڕەشەممە، لە لایەن هێزەکانی ئیدارەی ئیتلاعاتەوە دەستبەسەر و بۆ گرتووخانەی ناوەندە ئەمنیەتییەکان گواسترابووەوە، لە ژوورە تاکەکەسییەکانی ئیدارەی ئیتلاعات بە شێوەیەکی گوماناوی گیانی لە دەستدا.}

^{ئیدارەی ئیتلاعات پاش ڕادەست کردنەوەی تەرمی قوباد بە بنەماڵەکەی، هەڕەشەیان لە بنەماڵەی ناوبراو کردووە کە بۆیان نییە ڕاگەیاندنەکان لە مەرگی کوڕەکەیان ئاگادار بکەنەوە و هەروەها پێیان ڕاگەیاندوون کە کوڕەکەیان خۆی کوشتووە و پێویست بە بەدواداچوون ناکات.}

^{دەوترێت ئاسەواری ئەشکەنجە بە جەستەی قوبادەوە دیارە و هەموو ئاماژەکان ئەمە نیشان دەدەن کە ناوبراو لە ژێر ئەشکەنجەدا گیانی لە دەست دابێت.}

٣/٣/٢٠١٨