^{سەرەڕای دەرچوونی بڕیارنامەی شۆرای ئەمنیەت سەبارەت بە ئاگربڕ لە سووریە، ڕێژیمی ئێران بە هاوکاری هێزەکانی بەشار ئەسەد بەشی رۆژهەڵاتی دیمەشق بۆمباران دەکەن.}

^{ڕۆژی پێنج شەممە ڕێکەوتی ٣ی ڕەشەمەی ١٣٩٦ی هەتاوی، نوێنەرانی دوو وڵاتی سوئێد و کوەیت لە ڕێکخراوی نەتەوە یەکگرتوەکاندا ڕەخنەیان لە هێرشی هێزەکانی بەشار ئەسەد و سپای پاسدارانی ئێران بۆ سەر بەشی رۆژهەڵاتی دیمەشق گرتووە، بەو هۆیەوە ئێوارەی ڕۆژی شەممە ٥ی ڕەشەمەی ١٣٩٦ی هەتاوی، ڕەشنوسی بڕیارنامەیەک بە مەبەستی ڕاگرتنی شەڕ بۆ ماوەی ٣٠ رۆژ لە سووریە، لە لایەن ئەو ڕێکخراوەوە پەسند کراوە.}

^{سەرەڕای پەسند کرانی بڕیاری ڕاگیرانی شەڕ لە لایەن ڕێکخراوی نەتەوە یەکگرتووەکانەوە، ڕێژیمی ئێران، کوەیت و سوئێد بە پاڵپشتی کردنی تیرۆریست تۆمەتبار کردووە و ڕایگەیاندووە کە بەردەوام دەبێت لە هێرش و بۆمباران کردنی بەشی ڕۆژهەڵاتی دیمەشق.}

^{ڕێژیمی ئێران ئۆپۆزسیۆنی دژبەری بەشار ئەسەد بە تیرۆریست ناو دەبات و بێبەزەییانە هێرش دەکاتە سەریان.}

^{ڕامی عەبدولڕەحمان بەرپرسی چاوەدیرانی مافی مرۆڤی سووریە لەو بارەوە ڕایگەیاندووە: "ناوچەکانی بەشی رۆژهەڵاتی دیمەشق، بە تایبەت دوما و الشیفونیە، تەنیا چەند چرکە پاش ڕاگەیەندراوی بڕیارنامەی ئاگربڕ لە سووریە، کراونەتە ئامانجی بۆمبارانەکانی سپای پاسدارانی ئێران و هێزەکانی بەشار ئەسەد".}

27/2/2017