^{ئەمشەوی شەممە ئەنجوومەنی ئاسایشی نێودەوڵەتی پڕۆژە بڕیاری ئاگربەستی لە سووریا پەسەند کرد، كە ماوەی 30 رۆژ دەخایەنێ و چوار خاڵی لەخۆگرتووە.}

^{15 ئەندامەکەی ئەنجوومەنی ئاسایش تێكڕا بە "بەڵێ" دەنگیان بۆ پڕۆژە بڕیارەکە دا و بەم شێوەیە بۆ ماوەی 30 رۆژ ئاگربەست لە سەرتاپای سووریا رادەگەیەندرێ.}

^{جێی باسە ئاگربەستەكە، ئۆپەراسیۆنەکانی لەناوبردنی ڕێكخراوی تیرۆریستی داعش، قاعیدە، بەرەی نوسرە و هاوپەیمانەکانیان ناگرێتەوە.}

^{ئەنجوومەنی ئاسایش داوای كردووە بە زووترین كات ئاگربەستەكە رابگەیەندرێ و هەموو لایەنەکان پابەند بن.}

^{پرۆژە بریارەكە چوار داواكاری لەخۆ گرتووە، تیایدا هاتووە كە سەرجەم لایەنەکان بەبێ دواکەوتن شەڕ بوەستێنن بۆ ماوەی 30 رۆژ. هەروەها رێگە بە نەتەوە یەکگرتووەکان بدرێت رێکاری پزیشکیی بێمەرج بگرێتە بەر و بەربەست لەبەردەم تیمەکانی پزیشکی و مرۆیی دروست نەكرێ، لەگەڵ هەڵگرتنی گەمارۆ لەسەر ناوچەكانی دانیشتووانی تێدا ماوە، بە غوتەی رۆژهەڵاتیشەوە.}

24/2/2018